അരിപ്പൊടി കൊണ്ട് മുഖത്തിന് നിറം

അരിപ്പൊടിയും ഓട്‌സും

അരിപ്പൊടിയും ഓട്‌സുമാണ് ആദ്യത്തെ സൗന്ദര്യ സംരക്ഷണ സഹായി. ഒരു ടേബിള്‍ സ്പൂണ്‍ അരിപ്പൊടി, ഒരു ടേബിള്‍ സ്പൂണ്‍ തേന്‍, അര് ടേബിള്‍ സ്പൂണ്‍ ഓട്‌സ് എന്നിവയാണ് ആവശ്യമായ സാധനങ്ങള്‍.

ഫേസ്പാക്ക് തയ്യാറാക്കുന്ന വിധം

എല്ലാ ചേരുവകളും കൂടി മിക്‌സ് ചെയ്ത് പേസ്റ്റ് രൂപത്തിലാക്കുക. ഇത് മുഖത്ത് പുരട്ടി അഞ്ച് മിനിട്ട് വെയ്ക്കുക. അതിനു ശേഷം കഴുകിക്കളയുക.

അരിപ്പൊടിയും ചായപ്പൊടിയും

അരിപ്പൊടിയും ചായപ്പൊടിയുമാണ് മറ്റൊന്ന്. രണ്ട് ടേബിള്‍ സ്പൂണ്‍ അരിപ്പൊടി, ചായപ്പൊടിയുടെ വെള്ളം, ഒരു ടേബിള്‍ സ്പൂണ്‍ തേന്‍ എന്നിവയാണ് ആവശ്യമായ സാധനങ്ങള്‍.

തയ്യാറാക്കുന്ന വിധം

മുകളില്‍ പറഞ്ഞ ചേരുവകള്‍ നല്ലതു പോലെ മിക്‌സ് ചെയ്ത് പേസ്റ്റ് പരുവത്തിലാക്കുക. ഇത് മുഖത്ത് തേച്ച് 20 മിനിട്ടിനു ശേഷം കഴുകിക്കളയുക. ചര്‍മ്മത്തിന്റെ നിറം വര്‍ദ്ധിക്കുകയും തിളക്കം ലഭിയ്ക്കുകയും ചെയ്യുന്നു.

അരിപ്പൊടിയും വെള്ളരിക്ക നീരും

വെള്ളരിക്ക നീര് സൗന്ദര്യ സംരക്ഷണത്തില്‍ എത്ര മുന്നിലാണ് എന്നത് നമുക്കെല്ലാം അറിയാം. അരിപ്പൊടി ഒരു ടേബിള്‍ സ്പൂണ്‍, വെള്ളരിക്ക നീര് ഒരു ഡേബിള്‍ സ്പൂണ്‍, നാരങ്ങ നീര്, ഒരു ടേബിള്‍ സ്പൂണ്‍ എന്നിവയാണ് ആവശ്യമുള്ളവ.

തയ്യാറാക്കുന്ന വിധം

ഈ മൂന്ന് ചേരുവകളും ചേര്‍ത്ത് നല്ലതു പോലെ പേസ്റ്റാക്കി കണ്ണിനു താഴെയും മുഖക്കുരുവിലും പുരട്ടുക. ആഴ്ചയില്‍ രണ്ട് തവണ ഇങ്ങനെ ചെയ്താല്‍ സണ്‍ടാന്‍ മാറിക്കിട്ടും.