വരണ്ട മുടിയ്‌ക്കു പ്രകൃതി പരിഹാരം

മോയ്സ്ചറൈസിങ്ങ് ഷാംപൂ ഉപയോഗിക്കല്‍

കടുപ്പം കുറഞ്ഞ മോയ്ചറൈസിങ്ങ് ഷാംപൂ മുടി വൃത്തിയാക്കാന്‍ ഉപയോഗിക്കുക. രാസവസ്തുക്കള്‍ അടങ്ങിയ ഷാംപൂകള്‍ അവയിലെ കടുപ്പമേറിയ ഘടകങ്ങള്‍ മുടി വരളാന്‍ കാരണമാകും. കൂടാതെ ചൂടുവെള്ളത്തിന് പകരം തണുത്ത വെള്ളം മുടി കഴുകാന്‍ ഉപയോഗിക്കുകയും ചെയ്യുക.

ജലാംശം നല്‍കുന്ന കണ്ടീഷണര്‍ -

ഷാംപൂ ഉപയോഗിക്കുന്നത് തലയോട്ടിയിലെ സ്വഭാവിക എണ്ണയെ നീക്കം ചെയ്യുമെന്നതിനാല്‍ ഇത് ഉപയോഗിച്ചതിന് ശേഷം ഒരു കണ്ടീഷണറും ഉപയോഗിക്കണം. കണ്ടീഷണര്‍ ഉപയോഗിക്കുന്നത് വഴി ജലാംശം നിലനിര്‍ത്താനും വരള്‍ച്ച തടയാനും സാധിക്കും.

സ്റ്റൈലിങ്ങ് ഒഴിവാക്കുക

സ്റ്റൈലിങ്ങ് ജെല്ലുകള്‍, ഹെയര്‍ സ്പ്രേകള്‍, മൗസ്സസ് എന്നിവയുടെ ഉപയോഗം ഒഴിവാക്കുക. ഇവ് ഏറെക്കാലം തുടര്‍ച്ചയായി ഉപയോഗിക്കുമ്പോള്‍ മുടി വരണ്ടുപോകാന്‍ കാരണമാകും. ബ്ലോ ഡ്രൈയര്‍ പോലുള്ളവ ഉപയോഗിച്ച് മുടി ഉണക്കുന്നതും ഹെയര്‍ ഡ്രൈയര്‍ ഉപയോഗിക്കുന്നതും മുടി വരളാന്‍ കാരണമാകും.

എണ്ണകള്‍

ആരോഗ്യമുള്ള മുടി നിലനിര്‍ത്തുന്നതിന് എണ്ണ തേയ്ക്കുന്നത് പ്രധാനപ്പെട്ട കാര്യമാണ്. തിളക്കവും ആരോഗ്യവുമുള്ള മുടി ലഭിക്കുന്നതിന് മാസതതിലൊരിക്കല്‍ ചൂടുള്ള വെളിച്ചെണ്ണ മുടിയില്‍ തേയ്ക്കുക. ഇത് ജലാംശം ലഭ്യമാക്കുകയും നനവ് വീണ്ടെടുക്കുകയും ചെയ്യും.

സുഗന്ധ തൈലങ്ങള്‍

സുഗന്ധ തൈലങ്ങള്‍ കേശ സംരക്ഷണത്തില്‍ അത്ഭുതങ്ങള്‍ സൃഷ്ടിക്കും. ആസ്ട്രിന്‍ജെന്‍റ് ഘടകങ്ങളടങ്ങിയ സുഗന്ധ ദ്രവ്യങ്ങള്‍ ഉപയോഗിക്കുക. മികച്ച ഫലം ലഭിക്കുന്നതിന് ഇവ എണ്ണയുമായി കലര്ത്തി ഉപയോഗിക്കാം.

എക്സ്ഫോലിയേഷന്‍

ഉണങ്ങിയ ചര്‍മ്മം നീക്കം ചെയ്യുന്നതിന് ഇടയ്ക്ക് തലയോട്ടിയില്‍ എക്സ്ഫോലിയേഷന്‍ നടത്താം. ഇത് നനവ് നല്‍കുകയും ഉണങ്ങിയ ചര്‍മ്മകോശങ്ങള്‍ നീക്കം ചെയ്യുകയും ചെയ്യും.

മുട്ടയും യോഗര്‍ട്ടും

മുട്ട പ്രോട്ടീന്‍ അടങ്ങിയതും, യോഗര്‍ട്ട് ഒരു പ്രകൃതിദത്ത മോയ്സ്ചറൈസറുമാണ്. ഇവ രണ്ടും ചേര്‍ത്ത് തലയില്‍ തേയ്ക്കുന്നത് നനവ് നല്‍കും. ആഴ്ചയില്‍ ഒരു തവണ ഇത് ഉപയോഗിക്കാം.