എണ്ണമയമുള്ള ചര്‍മ്മത്തിന് വീട്ടില്‍ പരിഹാരം

കറ്റാര്‍ വാഴ

കറ്റാര്‍വാഴ മുഖത്ത് തേയ്ക്കുന്നത് നല്ലതാണ്. കറ്റാര്‍ വാഴയ്ക്ക് മുഖത്തെ എണ്ണമയം വലിച്ചെടുക്കാനുള്ള കഴിവുണ്ട്. മാത്രമല്ല ചര്‍മ്മത്തിലെ മൃതകോശങ്ങളെ ഇല്ലാതാക്കുകയും ചെയ്യുന്നു.

തണുത്ത വെള്ളത്തില്‍ മുഖം കഴുകുക

തണുത്ത വെള്ളത്തില്‍ മുഖം കഴുകുന്നതും ഇത്തരത്തില്‍ എണ്ണമയമുള്ള ചര്‍മ്മത്തെ പ്രതിരോധിയ്ക്കാന്‍ ഫലപ്രദമായ മാര്‍ഗ്ഗമാണ്. ദിവസവും മൂന്ന് പ്രാവശ്യമെങ്കിലും നന്നായി തണുത്ത വെള്ളത്തില്‍ മുഖം കഴുകുക.

പഴം കൊണ്ടുള്ള വിദ്യ

പഴങ്ങള്‍ പലപ്പോഴും മുഖത്തെ എണ്ണമയം പെട്ടെന്ന് വലിച്ചെടുക്കും. ഓറഞ്ച്, ആപ്പിള്‍ തുടങ്ങിയ പഴങ്ങള്‍ മുഖത്ത് അരച്ചു പുരട്ടുക. ഇതും എണ്ണമയം. കുറയ്ക്കുന്നു.

ആപ്പിള്‍ സിഡാര്‍ വിനീഗര്‍

അല്‍പം വെള്ളത്തില്‍ ആപ്പിള്‍ സിഡാര്‍ വിനീഗര്‍ മിക്‌സ് ചെയ്ത് മുഖത്ത് പുരട്ടുക. ഇതും എണ്ണമയമുള്ള ചര്‍മ്മത്തെ പ്രതിരോധിയ്ക്കുന്നു.

നാരങ്ങാ നീര്

നല്ലൊരു ടോണര്‍ ആയി പ്രവര്‍ത്തിക്കുന്ന ഒന്നാണ് നാരങ്ങാ നീര്. നാരങ്ങാ നീരും ഇത്തരത്തില്‍ എണ്ണമയമുള്ള ചര്‍മ്മത്തെ വൃത്തിയാക്കുന്നു.

മുട്ടയുടെ വെള്ള

മുട്ടയുടെ വെള്ളയാണ് മറ്റൊരു സൗന്ദര്യസംരക്ഷണ വസ്തു. മുട്ടയുടെ വെള്ള ഉപയോഗിച്ച് മുഖം മസ്സാജ് ചെയ്യുക. ഉണങ്ങിക്കഴിഞ്ഞ ശേഷം ഇത് അടര്‍ത്തി മാറ്റുക. ഇതും എണ്ണമയമുള്ള ചര്‍മ്മത്തെ പ്രതിരോധിയ്ക്കുന്നു.