അകാല വാര്‍ദ്ധക്യത്തിന് വിട നല്‍കാം

മുട്ടയുടെ വെള്ള

മുട്ടയുടെ വെള്ളയാണ് ആദ്യത്തെ പ്രതിവിധി. മുട്ടയുടെ വെള്ള ഉപയോഗിച്ച് മുഖത്തെ ചര്‍മ്മത്തിന് തിളക്കവും മുറുക്കവും നല്‍കാം. മാത്രമല്ല ചര്‍മ്മം ചെറുപ്പമായിരിക്കാനും മുട്ടയുടെ വെള്ള ഉപയോഗിക്കാം.

ഉപയോഗിക്കേണ്ട വിധം

മുട്ടയുടെ വെള്ള മുഖത്ത് നല്ലതു പോലെ തേച്ചു പിടിപ്പിച്ച് അതിനു മുകളില്‍ ഒരു ടിഷ്യു പേപ്പര്‍ കൊണ്ട് മൂടുക. അതിനു ശേഷം ഒരു ലെയര്‍ കൂടി മുട്ടയുടെ വെള്ള തേച്ചു പിടിപ്പിക്കുക. അതിനു മുകളില്‍ ഒരു ടിഷ്യൂ കൂടി ചേര്‍ക്കുക. അല്‍പസമയത്തിനു ശേഷം ഇത് ഉണങ്ങിക്കഴിയുമ്പോള്‍ പതുക്കെ ഉരിച്ചെടുക്കുക.

മുട്ടയുടെ വെള്ളയും നാരങ്ങ നീരും

മുട്ടയുടെ വെള്ളയും നാരങ്ങാ നീരും തേനില്‍ മിക്‌സ് ചെയ്ത് മുഖത്ത് തേച്ച് പിടിപ്പിക്കുക. നല്ലതു പോലെ മസ്സാജ് ചെയ്തതിനു ശേഷം തണുത്ത വെള്ളത്തില്‍ മുഖം കഴുകുക. ഇത് മുഖത്തിന് തിളക്കം നല്‍കുകയും ചര്‍മ്മത്തെ പുനരുജ്ജീവിപ്പിക്കുകയും ചെയ്യും.

കുക്കുമ്പര്‍

സൗന്ദര്യസംരക്ഷണത്തില്‍ എന്നും മുന്നില്‍ നില്‍ക്കുന്നതാണ് കുക്കുമ്പര്‍. കുക്കുമ്പര്‍ ചര്‍മ്മത്തിന്റെ സുഷിരങ്ങളിലേക്ക് ഇറങ്ങിച്ചെന്ന് ചര്‍മ്മത്തെ ചെറുപ്പമാക്കുന്നു. ആന്റി ഓക്‌സിഡന്റുകളും വിറ്റാമിന്‍ കെ വിറ്റാമിന്‍ സി എന്നിവയും കുക്കുമ്പറില്‍ ധാരാളം അടങ്ങിയിട്ടുണ്ട്.

സിലിക്കയാണ് പ്രധാനം

കുക്കുമ്പറിലെ ഏറ്റവും പ്രധാനപ്പെട്ട ഒന്നാണ് സിലിക്ക, ഇത് ചര്‍മ്മത്തിന്റെ വാര്‍ദ്ധക്യം തടയുന്ന ടിഷ്യൂകള്‍ എല്ലാം ഇല്ലാതാക്കുകയും ചര്‍മ്മത്തിന്റെ ഇലാസ്തിസിറ്റി വര്‍ദ്ധിപ്പിക്കുകയും ചെയ്യും.

അകാല വാര്‍ദ്ധക്യത്തിന് വിട നല്‍കാം

കുക്കുമ്പര്‍ ചെറിയ കഷ്ണങ്ങളാക്കി മിക്‌സിയില്‍ അരച്ചതിനു ശേഷം അതിന്റെ പള്‍പ്പെടുത്ത് മുട്ടയുടെ വെള്ളയും കൂടി മിക്‌സ് ചെയ്ത് മുഖത്ത് തേച്ച് പിടിപ്പിക്കുക. മുഖത്ത് നല്ലതു പോലെ തേച്ച് പിടിപ്പിച്ച് 15 മിനിട്ടിനു ശേഷം കഴുകിക്കളയുക.

ഫലം സുനിശ്ചിതം

ഇത്തരത്തില്‍ മുകളില്‍ പറഞ്ഞ രണ്ട് രീതികളും ചെയ്താല്‍ തീര്‍ച്ചയായും ഫലം ഉണ്ടാകും. എന്നാല്‍ ഏത് രീതിയാണെങ്കിലും ഫലം രണ്ട് ദിവസത്തിനുള്ളില്‍ വേണമെന്ന് ഒരിക്കലും വാശി പിടിക്കരുത്. കാരണം പ്രകൃതി ദത്തമായ രീതികള്‍ ചെയ്യുമ്പോള്‍ അതിന് സമയമെടുക്കുന്നത് സ്വാഭാവികമാണ്. അതുകൊണ്ട് തന്നെ ദിവസങ്ങള്‍ കാത്തിരുന്നാലും പറയുന്നതു പോലുള്ള രീതികള്‍ ചെയ്താലും മാത്രമേ ഉദ്ദേശിച്ച ഫലം ലഭിയ്ക്കുകയുള്ളൂ.