അപകടം ഒളിച്ചിരിയ്ക്കുന്ന സൗന്ദര്യസംരക്ഷണം

നാരങ്ങയിലൂടെ സൗന്ദര്യം

നാരങ്ങ സൗന്ദര്യസംരക്ഷണത്തിന് ഉപയോഗിക്കുന്നവര്‍ ഒട്ടും കുറവല്ല. എന്നാല്‍ ഇത് ഗുരുതരമായ ചര്‍മ്മ പ്രശ്‌നങ്ങള്‍ ഉണ്ടാക്കും എന്ന കാര്യത്തില്‍ സംശയമില്ല. ഇതിലടങ്ങിയിട്ടുള്ള ഉയര്‍ന്ന ആസിഡിന്റെ അളവ് മറ്റ് ചര്‍മ്മ പ്രശ്‌നങ്ങള്‍ക്ക് ഇടവരുത്തും.

പെട്രോളിയം ജെല്ലി

പെട്രോളിയം ജെല്ലിയും ചുണ്ട് വരണ്ടതാകുന്നതിനും ചര്‍മ്മത്തിന്റെ വരള്‍ച്ച മാറ്റുന്നതിനും ഉപയോഗിക്കാറുണ്ട്. എന്നാല്‍ ഇത് ആരോഗ്യത്തിനും ചര്‍മ്മത്തിനും അത്രയേറെ ദോഷകരമാണ് എന്നുള്ളതാണ് സത്യം.

മുഖത്ത് ആവി പിടിയ്ക്കുന്നത്

മുഖത്തെ അഴുക്കും ബ്ലാക്ക്‌ഹെഡ്‌സും പോവാനായി മുഖം ആവി പിടിയ്ക്കുന്നവരും ഒട്ടും കുറവല്ല. എന്നാല്‍ ചൂട് ആവി മുഖത്ത് പതിക്കുമ്പോള്‍ ഇത് ചര്‍മ്മം കൂടുതല്‍ വരണ്ടതാവാന്‍ കാരണമാകുന്നു.

ടൂത്ത് പേസ്റ്റ്

പലരും മുഖക്കുരു ഇല്ലാതാവാനും മുഖക്കുരു പാട് മാറാനും വേണ്ടി ടൂത്ത് പേസ്റ്റ് ഉപയോഗിക്കുന്നവരാണ്. എന്നാല്‍ പല്ലിലെ ഇനാമലിനെ സംരക്ഷിക്കാന്‍ വേണ്ടിയുള്ള ടൂത്ത് പേസ്റ്റ് ഒരിക്കലും നല്ലൊരു സൗന്ദര്യസംരക്ഷണ ഉപാധിയല്ല.

ബേക്കിംഗ് സോഡ

ചര്‍മ്മത്തിന്റെ തിളക്കം വര്‍ദ്ധിപ്പിക്കാന്‍ ബേക്കിംഗ് സോഡ ഉപയോഗിക്കുന്നവര്‍ കുറവല്ല. എന്നാല്‍ പലപ്പോഴും ഇത് ചര്‍മ്മത്തിന്റെ പുറത്തെ പാളിയെ നശിപ്പിക്കുകയും ഇതിലൂടെ ബാക്ടീരിയയ്ക്ക് വഴിയൊരുക്കുകയുമാണ് ചെയ്യുന്നത്.

ബോഡി ലോഷന്‍

ബോഡി ലോഷന്‍ ഉപയോഗിക്കുന്നവരാണ് നമ്മളില്‍ പലരും. എന്നാല്‍ ബോഡി ലോഷന്റെ ഉപയോഗവും ചര്‍മ്മത്തെ ദോഷകരമായാണ് ബാധിയ്ക്കുക.

പശ ഉപയോഗിക്കുന്നവര്‍

ചിലര്‍ പ്രത്യേകതരം പശ ഉപയോഗിച്ച് ബ്ലാക്ക്‌ഹെഡ്‌സ് കളയാന്‍ ശ്രമിക്കാറുണ്ട്. എന്നാല്‍ ഇത് നമ്മുടെ ചര്‍മ്മത്തിന്റെ പല ഭാഗത്തും അലര്‍ജി ഉണ്ടാക്കുന്നതിന് കാരണമാകുന്നു.

ഹെയര്‍സ്‌പ്രേ

ഹെയര്‍സ്‌പ്രേ ഉപയോഗിക്കുന്നവരും കുറവല്ല. ഹെയര്‍സ്‌പ്രേയുടെ അമിതോപയോഗം മുടിയുടെ ആരോഗ്യത്തെ ദോഷകരമായി തന്നെ ബാധിയ്ക്കുന്നു.

വിവിധ തരത്തിലുള്ള ജെല്ലുകള്‍

കൈകളിലെ വരള്‍ച്ച മാറ്റാനായി നമ്മളില്‍ പലരും വിവിധ തരത്തിലുള്ള ജെല്ലുകള്‍ ഉപയോഗിക്കാറുണ്ട്. ഇത് കൈക്ക് വേദനയും മറ്റു പ്രശ്‌നങ്ങളും ഉണ്ടാക്കുന്നു എന്നതാണ് സത്യം.