സ്വകാര്യഭാഗങ്ങളിലെ കറുപ്പിനുംചൊറിച്ചിലിനും പരിഹാരം

പപ്പായ മാജിക്

പപ്പായയ്ക്ക് ചര്‍മ്മത്തെ നിറം വെപ്പിക്കാനുള്ള കഴിവുണ്ടെന്നത് തര്‍ക്കമില്ലാത്ത കാര്യമാണ്. നല്ലതുപോലെ പഴുത്ത പപ്പായ കറുത്ത നിറമുള്ള ഭാഗങ്ങളില്‍ തേച്ചു പിടിപ്പിക്കുക. അരമണിക്കൂറിനു ശേഷം കഴുകിക്കളയാം. ഒരാഴ്ച തുടര്‍ച്ചയായി ഇങ്ങനെ ചെയ്താല്‍ ഇരുണ്ട നിറത്തിന് മാറ്റമുണ്ടാകും എന്നത് കാര്യം.

നാരങ്ങാ നീരും തൈരും

വിറ്റാമിന്‍ സി കൊണ്ട് സമ്പുഷ്ടമായ നാരങ്ങാ നീരിന് ചര്‍മ്മത്തെ വെളുപ്പിക്കാനുള്ള കഴിവുണ്ടെന്നത് സത്യം. നാരങ്ങാ നീരില്‍ അല്‍പം തേര് മിക്‌സ് ചെയ്ത് നിങ്ങള്‍ക്ക് നേരിട്ട് തന്നെ തുടയിടുക്കിലും കൈക്കുഴയിലും പുരട്ടാവുന്നതാണ്. 15 മിനിട്ടിനു ശേഷം കഴുകിക്കളയാം.

പാല്‍

പ്രകൃതിദത്തമായി ചര്‍മ്മത്തിന് നിറം നല്‍കുന്ന വസ്തുവാണ് പാല്‍. കറുത്ത നിറമുള്ള സ്ഥലങ്ങളില്‍ പാല്‍ തേച്ചു പിടിപ്പിക്കാം. അല്‍പസമയത്തിനു ശേഷം പഞ്ഞി ഉപയോഗിച്ച് തുടച്ചു മാറ്റാം.

മഞ്ഞള്‍

കാലങ്ങളായി മുഖത്തിനും ശരീരത്തിനും നിറം വര്‍ദ്ധിപ്പിക്കാന്‍ വേണ്ടി ഉപയോഗിക്കുന്ന സൗന്ദര്യ വര്‍ദ്ധക വസ്തുവാണ് മഞ്ഞള്‍. ഒരു ടീസ്പൂണ്‍ മഞ്ഞള്‍പ്പൊടിയും രണ്ട് ടീസ്പൂണ്‍ നാരങ്ങാ നീരും ഒരു ടീസ്പൂണ്‍ തൈരും മിക്‌സ് ചെയ്ത് പുരട്ടുക. 15 മിനിട്ടിനു ശേഷം കഴുകിക്കളയാം.

തക്കാളി നീര്

തക്കാളി നീര് ഇത്തരം ഭാഗങ്ങളില്‍ പുരട്ടുന്നതും ചര്‍മ്മത്തിന്റെ ഇരുണ്ട നിറത്തിന് പരിഹാരമാണ്. തക്കാളി നീര് പുരട്ടി 15 മിനിട്ട് കഴിഞ്ഞ് കഴുകിക്കളയാം.

ആപ്പിള്‍ സിഡാര്‍ വിനീഗര്‍

ആപ്പിള്‍ സിഡാര്‍ വിനീഗര്‍ ഇത്തരത്തില്‍ ചര്‍മ്മത്തിന് നിറം നല്‍കുന്ന ഒന്നാണ്. ആപ്പിള്‍ സിഡാര്‍ വിനീഗര്‍ ഇത്തരം ഭാഗങ്ങളില്‍ പുരട്ടി അരമണിക്കൂറിനു ശേഷം കഴുകിക്കളയാം. ഇത് ചര്‍മ്മത്തിന് തിളക്കവും മൃദുത്വവും നല്‍കുന്നു.