കറുത്ത പാടുകള്‍ മാറ്റും നിമിഷങ്ങള്‍ക്കുള്ളില്‍

ഉറക്കം കുറയ്ക്കരുത്

ഉറക്കത്തിന്റെ കാര്യത്തില്‍ യാതൊരു വിധത്തിലുള്ള ഒത്തുതീര്‍പ്പും നടത്തരുത്. ആവശ്യത്തിന് ഉറക്കം ലഭിയ്ക്കാത്തതാണ് പലപ്പോഴും ഇത്തരത്തില്‍ കണ്ണിനു താഴെ കറുപ്പ് നിറം വരാന്‍ കാരണം.

നിര്‍ജ്ജലീകരണം

നിര്‍ജ്ജലീകരണമാണ് മറ്റൊരു പ്രശ്‌നം. നിര്‍ജ്ജലീകരണം ഉള്ളവരിലും ഇത്തരം പ്രശ്‌നം ഉണ്ടാവും. അതുകൊണ്ട് തന്നെ ആവശ്യത്തിന് വെള്ളം കുടിയ്ക്കുന്നത് എന്തുകൊണ്ടും നല്ലതാണ്.

വെള്ളരിയ്ക്ക

വെള്ളരിയ്ക്ക സൗന്ദര്യസംരക്ഷണത്തിന്റെ കാര്യത്തില്‍ ഒട്ടും പിന്നിലല്ല. വെള്ളരിയ്ക്ക വട്ടത്തില്‍ മുറിച്ച് കണ്ണിനു താഴെ വച്ചാല്‍ കണ്ണിനു താഴെയുള്ള കറുപ്പ മാറും. വെള്ളരിയ്ക്ക നീരും പഞ്ഞിയില്‍ മുക്കി കണ്ണിനു താഴെ വെയ്ക്കാവുന്നതാണ്.

നാരങ്ങ നീര്

നാരങ്ങ നീരിന്റെ കാര്യത്തിലും സൗന്ദര്യം ചില്ലറയല്ല. നാരങ്ങ നീരില്‍ അടങ്ങിയിട്ടുള്ള വിറ്റാമിന്‍ സിയാണ് ഇതിന് സഹായിക്കുന്നത്. അല്‍പം പഞ്ഞിയില്‍ നാരങ്ങ, നീര് മുക്കി കണ്ണിന് താഴെ വെച്ചാല്‍ മതി ചര്‍മ്മത്തിലെ കറുത്ത നിറം മാറി സുന്ദരിയാവാന്‍.

ടീബാഗ്

ടീ ബാഗും സൗന്ദര്യസംരക്ഷണത്തിന്റെ കാര്യത്തില്‍ മുന്നില്‍ തന്നെയാണ്. ടീ ബാഗ് കണ്ണിന് താഴെ വച്ചാല്‍ മതി ഇത് കണ്ണിനു താഴെയുള്ള കറുത്ത പാടുകള്‍ ഇല്ലാതാക്കും.

ഉപ്പിന്റെ അംശം കുറയ്ക്കുക

ഉപ്പിന്റെ അംശം കുറച്ച് കഴിച്ചാല്‍ മതി. ഉപ്പ് കൂടുതല്‍ കഴിയ്ക്കുന്നതാണ് പലപ്പോഴും കണ്ണിന് താഴെ കറുപ്പ് നിറം വരാന്‍ പ്രധാന കാരണം.