മേല്‍ച്ചുണ്ടിലെ രോമം കളയാന്‍ മുട്ടവിദ്യ!!

മേല്‍ച്ചുണ്ടിലെ രോമം പല സ്ത്രീകളുടേയും സൗന്ദര്യപ്രശ്‌നമാണ്. ത്രെഡിംഗാണ് പലരും ഇതിനു പരിഹാരമായി പ്രയോഗിയ്ക്കുന്നതും.

എന്നാല്‍ ത്രെഡിംഗ് ചെയ്യാന്‍ മിക്കവാറും ബ്യൂട്ടിപാര്‍ലറുകളെ ആശ്രയിക്കണം. മാത്രമല്ല, ഇത് വേദനിപ്പിയ്ക്കുന്ന ഒരു പ്രക്രിയയുമാണ്.

ഇതൊന്നും വേണ്ട, മേല്‍ച്ചുണ്ടിലെ രോമം നീക്കം ചെയ്യാന്‍ നമുക്കു തന്നെ വീട്ടില്‍ ചെയ്യാവുന്ന ഒരു ലളിതമായ വഴിയുണ്ട്. മുട്ടവെള്ള ഉപയോഗിച്ച്. ഈ രീതി പരീക്ഷിച്ചു നോക്കൂ, മേല്‍ച്ചുണ്ടിലെ രോമം പോകും.

മുട്ടവെള്ള-1
കടലമാവ്-1 ടേബിള്‍ സ്പൂണ്‍
പഞ്ചസാര-1 ടേബിള്‍ സ്പൂണ്‍

ഈ മൂന്നു മിശ്രിതങ്ങളും നല്ലപോലെ ചേര്‍ത്തിളക്കുക. ഈ പേസ്റ്റ് മേല്‍ച്ചുണ്ടില്‍ പുരട്ടുക.

അര മണിക്കൂര്‍ കഴിയുമ്പോള്‍ ഉണങ്ങിയ ഇത് ഒരു മാസ്‌ക് പോലെയാകും.

രോമ വളര്‍ച്ചയുടെ വിപരീതഭാഗത്തേയ്ക്ക് ഇത് ബലമായി പൊളിച്ചെടുക്കുക. ഒരാഴ്ചയില്‍ മൂന്നു നാലു തവണ ഇതു ചെയ്യുന്നത് രോമം നീക്കുക മാത്രമല്ല, രോമവളര്‍ച്ച കുറയ്ക്കുകയും ചെയ്യും.

കടലമാവിന് പകരം കോണ്‍ഫ്‌ളോറും ഉപയോഗിയ്ക്കാം.

മുട്ടവെള്ളയ്‌ക്കൊപ്പം മഞ്ഞള്‍പ്പൊടി ചേര്‍ത്തും ഈ വഴി പരീക്ഷിയ്ക്കാം. ഈ മിശ്രിതം മുഖത്തു മുഴുവന്‍ പുരട്ടുന്നത് മുഖത്തിന് നിറവും തിളക്കവും നല്‍കുകയും ചെയ്യും.