മുഖത്തെ അനാവശ്യ രോമങ്ങള്‍ നീക്കം ചെയ്യാം

മഞ്ഞളും കടലമാവും

ഒരു സ്പൂണ്‍ കടലമാവും ഒരു നുള്ള് മഞ്ഞളും പാലില്‍ മിക്‌സ് ചെയ്ത് മുഖത്ത് പുരട്ടുക. ഇത് അല്‍പ ദിവസം പരീക്ഷിച്ചു കഴിയുമ്പോള്‍ രോമം പൂര്‍ണമായും ഇല്ലാതാകും.

നാരങ്ങയും പഞ്ചസാരയും

നാരങ്ങയും പഞ്ചസാരയും മിക്‌സ് ചെയ്ത് പുരട്ടാം. എന്നാല്‍ പഞ്ചസാര ഉരുക്കി പാനിയാക്കിയ ശേഷം മാത്രം വേണം മുഖത്ത് പുരട്ടാന്‍ ഇതും അപ്പര്‍ലിപ്‌സിലെ രോമങ്ങള്‍ ഇല്ലാതാവാന്‍ സഹായിക്കും.

പാലും മഞ്ഞളും

പാലും മഞ്ഞളും ആരോഗ്യസംരക്ഷണത്തിന് മാത്രമല്ല സൗന്ദര്യ സംരക്ഷണത്തിനും ഉപയോഗിക്കാം. മഞ്ഞളില്‍ അല്‍പം പാല്‍ ചേര്‍ത്ത് നല്ല കട്ടിയുള്ള പേസ്റ്റ് രൂപത്തിലാക്കി മുഖത്തെ രോമമുള്ള സ്ഥലത്ത് പുരട്ടുക. ഉണങ്ങിക്കഴിഞ്ഞാല്‍ കഴുകിക്കളയാം. ഇത് രോമം കൊഴിഞ്ഞു പോകാന്‍ സഹായിക്കും.

മഞ്ഞളും വെള്ളവും

പാല്‍ തന്നെ വേണമെന്നില്ല, പച്ചവെള്ളവും മഞ്ഞളും മിക്‌സ് ചെയ്ത് മുഖത്ത് പുരട്ടാവുന്നതാണ്. ഇത് ഉണങ്ങിക്കഴിഞ്ഞ് കഴുകിക്കളയാം.

മുട്ടയുടെ വെള്ള

മുട്ടയുടെ വെള്ള അല്‍പം പഞ്ചസാര എന്നിവ നന്നായി മിക്‌സ് ചെയ്ത് പേസ്റ്റ് രൂപത്തിലാക്കി മുഖത്ത് പുരട്ടാം. ഇതും അനാവശ്യ രോമങ്ങള്‍ ഇല്ലാതാക്കും.

നാരങ്ങയും തേനും

നാരങ്ങയും തേനും മിക്‌സ് ചെയ്ത് മുഖത്ത് പുരട്ടുക. ഇത് മുഖത്തിന് തിളക്കം നല്‍കുകയും രോമങ്ങള്‍ ഇല്ലാതാക്കുകയും ചെയ്യും