ബ്ലാക്ക്‌ഹെഡ്‌സ് കൊണ്ട് പൊറുതി മുട്ടുമ്പോള്‍

നാരങ്ങ നീര് സ്‌ക്രബ്ബ്

നാരങ്ങ നീര് നല്ലൊരു ആസ്ട്രിജന്‍ ആണ് എന്ന കാര്യത്തില്‍ സംശയമില്ല. എല്ലാ തരത്തിലുള്ള ചര്‍മ്മ പ്രശ്‌നങ്ങളേയും ഇത് മാറ്റിയെടുക്കുന്നു. എങ്ങനെ നാരങ്ങാ നീര് സ്‌ക്രബ്ബ് തയ്യാറാക്കാം എന്ന് നോക്കാം.

ആവശ്യമുള്ള സാധനങ്ങള്‍

നാരങ്ങ, തേന്‍, അല്‍പം ഉപ്പ്, തൈര്, നാരങ്ങാ നീര്, റോസ് വാട്ടര്‍ അല്ലെങ്കില്‍ പാല്‍ എന്നിവയാണ് ആവശ്യമുള്ള സാധനങ്ങള്‍. ഇവയെല്ലാം നല്ലതുപോലെ മിക്‌സ് ചെയ്ത് ബ്ലാക്ക്‌ഹെഡ്‌സ് ഉള്ള ഭാഗത്ത് പുരട്ടുക. 10 ദിവസം തുടര്‍ച്ചയായി ചെയ്താല്‍ പിന്നീടൊരിക്കലും ബ്ലാക്ക് ഹെഡ്‌സ് എന്നു പറഞ്ഞ് വിഷമിക്കേണ്ടി വരില്ല.

മുട്ടയുടെ വെള്ള മാസ്‌ക്

മുട്ടയുടെ വെള്ള മുഖത്ത് തേയ്ക്കുന്നത് സൗന്ദര്യ പ്രശ്‌നങ്ങളെ പരിഹരിക്കും. ചര്‍മ്മത്തിന് നിറം നല്‍കാനും ബ്ലാക്ക്‌ഹെഡ്‌സിനെ തുരത്താനും മുട്ടയുടെ വെള്ള എങ്ങനെ സഹായിക്കും എന്ന് നോക്കാം.

മുട്ടയുടെ വെള്ള മാസ്‌ക്

മുട്ടയുടെ വെള്ള മുഖത്ത് നല്ലതു പോലെ തേച്ച് പിടിപ്പിച്ച് അതിനു മുകളില്‍ അല്‍പം ടിഷ്യൂ പേപ്പര്‍ പതിപ്പിക്കുക. ഇത് ഉണങ്ങിയതിനു ശേഷം വീണ്ടും മുട്ടയുടെ വെള്ള തേയ്ക്കുക. അതിനു ശേഷം ഒരു ലെയര്‍ ടിഷ്യൂ കൂടി പതിപ്പിക്കാം. ഇങ്ങനെ മൂന്ന് തവണ ചെയ്തതിനു ശേഷം ഇത് ഉണങ്ങുന്നതു വരെ കാത്തിരിയ്ക്കുക. നല്ലതു പോലെ ഉണങ്ങിയതിനു ശേഷം എടുത്തു മാറ്റാവുന്നതാണ്.

ഗ്രീന്‍ ടീ

ഗ്രീന്‍ ടീ ആരോഗ്യഗുണങ്ങള്‍ കൊണ്ടും സൗന്ദര്യഗുണങ്ങള്‍ കൊണ്ടും സമ്പന്നമാണ്. ആരോഗ്യപരമായും മാനസികപരമായും നമ്മളെ ഉത്തേജിപ്പിക്കുന്നതില്‍ ഗ്രീന്‍ ടീയുടെ പങ്ക് വളരെ വലുതാണ്.

ഗ്രീന്‍ ടീ

ഗ്രീന്‍ ടീയുടെ ഇല വെള്ളം എന്നിവയാണ് ആവശ്യമുള്ള സാധനങ്ങള്‍. ഗ്രീന്‍ ടീയുടെ ഇല ഉണക്കിപ്പൊടിച്ച് അല്‍പം വെള്ളത്തില്‍ ചാലിച്ച് പേസ്റ്റാക്കി ബ്ലാക്ക് ഹെഡ്‌സ് ഉള്ള സ്ഥലങ്ങളില്‍ തേച്ചു പിടിപ്പിക്കുക. 5 മിനിട്ടിനു ശേഷം ഇത് കഴുകിക്കളയാവുന്നതാണ്.

പഞ്ചസാര സ്‌ക്രബ്ബ്

പഞ്ചസാരയും തേനും മിക്‌സ് ചെയ്ത് മുഖത്ത് നല്ലതു പോലെ മസ്സാജ് ചെയ്യുക. ഇത് ബ്ലാക്ക് ഹെഡ്‌സിനെ തുരത്തുന്നു.

കറുവപ്പട്ട സ്‌ക്രബ്ബ്

പഞ്ചസാര മാത്രമല്ല കറുവപ്പട്ടയും തേനും നല്ലൊരു ഫേസ്മാസ്‌ക് ആണ്. കറുവപ്പട്ട പൊടിച്ചതും തേനും മിക്‌സ് ചെയ്ത് മുഖത്ത് പുരട്ടുക. അഞ്ച് മിനിട്ടിനു ശേഷം കഴുകിക്കളയാം. ഇതും ബ്ലാക്ക്‌ഹെഡ്‌സിനെ പ്രതിരോധിയ്ക്കുന്നു.