തിളങ്ങുന്ന ചര്‍മ്മത്തിന് ലെമണ്‍ഫേഷ്യല്‍ വീട്ടില്‍

ക്ലെന്‍സര്‍ ആയി ആദ്യം

ചര്‍മ്മത്തിന് നിറം നല്‍കാന്‍ നാരങ്ങയ്ക്കു കഴിയുമെന്ന കാര്യത്തില്‍ സംശയമില്ല. നാരങ്ങയില്‍ അടങ്ങിയിട്ടുള്ള ആസിഡും എന്‍സൈമുകളും ചര്‍മ്മത്തിലെ മുഖക്കുരുവിന് കാരണമാകുന്ന ബാക്ടീരിയയെ ഇല്ലാതാക്കാന്‍ സഹായിക്കുന്നു. ഒരു ടീസ്പൂണ്‍ തേനില്‍ രണ്ട് ടീസ്പൂണ്‍ നാരങ്ങ നീര് ചേര്‍ത്ത് മൂന്ന് മിനിട്ടോളം മുഖത്ത് മസ്സാജ് ചെയ്യുക. അതിനു ശേഷം തണുത്ത വെള്ളത്തില്‍ കഴുകിക്കളയാം.

ടോണര്‍ പിന്നീട്

അതിനു ശേഷം രണ്ട് ടീസ്പൂണ്‍ നാരങ്ങാ നീരും നാല് ടീസ്പൂണ്‍ റോസ് വാട്ടറും ഒരു ടീസ്പൂണ്‍ ആപ്പിള്‍ സിഡാര്‍ വിനീഗറും മിക്‌സ് ചെയ്ത് മുഖത്ത് പുരട്ടുക. അല്‍പസമയത്തിനു ശേഷം പഞ്ഞി ഉപയോഗിച്ച് ഇത് തുടച്ചു കളയാം.

പ്രകൃതിദത്ത സ്‌ക്രബ്ബ്

രണ്ട് ടീസ്പൂണ്‍ പഞ്ചസാരയും പകുതി നാരങ്ങയുടെ നീരും ഒരു ടീസ്പൂണ്‍ ഒലീവ് ഓയിലും മിക്‌സ് ചെയ്ത് മുഖത്ത് പുരട്ടുക. അഞ്ച് മിനിട്ടിനു ശേഷം തണുത്ത വെള്ളത്തില്‍ കഴുകിക്കളയുക.

ഫെയര്‍നെസ്സ് മസ്സാജ് ക്രീം

ഫെയര്‍നെസ്സ് മസ്സാജ് ക്രീം നമുക്ക് തന്നെ തയ്യാറാക്കാവുന്നതാണ്. ഷിയബട്ടര്‍ കുറഞ്ഞ ചൂടില്‍ ഉരുക്കി ഒരു ടീസ്പൂണ്‍ കറ്റാര്‍ വാഴയുടെ നീരും മൂന്ന് ടേബിള്‍ സ്പൂണ്‍ നാരങ്ങാ നീരും മിക്‌സ് ചെയ്യുക. ഇത് പേസ്റ്റ് രൂപത്തിലാക്കി മുഖത്തും കഴുത്തിലും വട്ടത്തില്‍ മസ്സാജ് ചെയ്യുക. ഇത് ചര്‍മ്മത്തിന്റെ നിറം വര്‍ദ്ധിപ്പിക്കുകയും ഇല്‌സ്തികത വര്‍ദ്ധിപ്പിക്കുകയും ചെയ്യുന്നു.

മള്‍ട്ടി വിറ്റാമിന്‍ ഫേസ്പാക്ക്

രണ്ടോ മൂന്നോ കഷ്ണം പൈനാപ്പിളും അതോടൊപ്പം അല്‍പം നാരങ്ങാ നീരും രണ്ട് ടേബിള്‍ സ്പൂണ്‍ മുള്‍ട്ടാണി മിട്ടിയും അല്‍പം കളിമണ്ണും ഒര മുട്ടയുടെ വെള്ളയും മിക്‌സ് ചെയ്ത് ബ്രഷ് ഉപയോഗിച്ച് മുഖത്ത് പുരട്ടുക. പതിനഞ്ച് മിനിട്ടിനു ശേഷം കഴുകിക്കളയാം.

മുഖക്കുരുവും കറുത്ത പാടുകളും

മുകളില്‍ പറഞ്ഞതു പോലെ ലെമണ്‍ ഫേഷ്യല്‍ ചെയ്താല്‍ മുഖക്കുരുവും കറുത്ത പാടുകളും മാറുകയും മുഖം സുന്ദരമാകുകയും ചെയ്യുന്നു.

പാര്‍ശ്വഫലങ്ങളില്ല

കെമിക്കലുകള്‍ അടങ്ങിയിട്ടില്ലാത്തതിനാല്‍ യാതൊരു വിധ പാര്‍ശ്വഫലങ്ങളും ഇല്ലെന്നതും ഈ ഫേഷ്യലിന്റെ പ്രത്യേകതയാണ്.