തക്കാളിയും നാരങ്ങയും മുഖത്തിന്റെ നിറത്തിന്

തക്കാളി ബ്ലീച്ച്

വിറ്റാമിന്‍ സിയുടെ കലവറയാണ് തക്കാളി. ചര്‍മ്മത്തിന് ഏറെ നല്ലതാണെന്നതും തക്കാളിയുടെ പ്രിയം വര്‍ദ്ധിപ്പിക്കുന്നു. ആദ്യം പഴുത്ത തക്കാളിയെടുത്ത് പിഴിയുക. ഇതില്‍ തൈര് മിക്‌സ് ചെയ്ത് മുഖത്ത് പുരട്ടുക. അല്‍പ സമയം കഴിഞ്ഞ് ചൂടുവെള്ളത്തില്‍ മുഖം കഴുകുക.

വെള്ളരിക്ക് ബ്ലീച്ച്

വെള്ളരിക്കയും സൗന്ദര്യം നല്‍കുന്ന മറ്റൊരു പച്ചക്കറിയാണ്. വെള്ളരി തൊലി കളഞ്ഞ് അരിഞ്ഞ് ജ്യൂസാക്കി മാറ്റുക. ഇതിലേക്ക് അല്‍പം കറ്റാര്‍ വാഴ നീര് ചേര്‍ത്ത് മുഖത്ത് പുരട്ടാം.

ഓറഞ്ച് ഫേസ്പാക്ക്

ഓറഞ്ച് തൊലി വെയിലത്ത് ഉണക്കി പൊടിച്ച് മിക്‌സിയില്‍ പൊടിച്ചെടുക്കുക. ഇതിലേക്ക് അല്‍പം തനും റോസ് വാട്ടറും മിക്‌സ് ചെയ്ത് മുഖത്ത് പുരട്ടുക. പിന്നീട് കഴുകിക്കളയുക.

നാരങ്ങാ നീര്

ചെറുനാരങ്ങാ നീര് നേരിട്ട് മുഖത്ത് പുരട്ടാം. ഇതു കൂടാതെ ചെറുനാരങ്ങാ നീരില്‍ റോസ് വാട്ടര്‍ മിക്‌സ് ചെയ്ത് മുഖത്ത് പുരട്ടുന്നതും നല്ലതാണ്.

ഉരുളക്കിഴങ്ങ് ബ്ലീച്ച്

ഉരുളക്കിഴങ്ങ് തൊലി കളഞ്ഞ് റോസ് വാട്ടര്‍ മിക്‌സ് ചെയ്ത് പേസ്റ്റ് രൂപത്തിലാക്കുക. ഇത് മുഖത്തും കഴുത്തിലും പുരട്ടാം.