ചര്‍മ്മത്തിനു ദോഷം ചെയ്യുന്ന ഭക്ഷണ ശീലങ്ങള്‍

കാര്‍ബോഹൈഡ്രേറ്റ് അടങ്ങിയ ഭക്ഷണങ്ങള്‍

കാര്‍ബോഹൈഡ്രേറ്റ് അടങ്ങിയ പല ഭക്ഷണങ്ങളും ചര്‍മ്മത്തിന് പ്രശ്‌നങ്ങള്‍ സൃഷ്ടിക്കുന്നതാണ്. ബ്രഡ്, പാസ്ത, മിഠായി, ജ്യൂസ് തുടങ്ങിയവയെല്ലാം മുഖക്കുരുവിനും മറ്റു സൗന്ദര്യ പ്രശ്‌നങ്ങള്‍ക്കും കാരണമാകും.

ഉപ്പിന്റെ ഉപയോഗം

കണ്ണിനു താഴെയായി കാണപ്പെടുന്ന കറുത്ത പാടുകള്‍ക്ക് പലപ്പോഴും കാരണം ഉപ്പിന്റെ അമിത ഉപയോഗമാണ് എന്നതാണ് സത്യം. മാത്രമല്ല ഉപ്പ് അമിതമായ തോതില്‍ ഭക്ഷണത്തില്‍ ഉള്‍പ്പെടുത്തിയാല്‍ അത് മുഖവും കണ്‍തടങ്ങളും ചീര്‍ക്കാന്‍ കാരണമാകും.

മദ്യപാനം

മദ്യപിക്കുന്നത് നല്ലതല്ല, എന്നാല്‍ മിതമായ രീതിയില്‍ മദ്യപിക്കുന്നത് കുഴപ്പമില്ലാത്ത കാര്യമാണ്. എന്നാല്‍ അമിത മദ്യപാനം പലപ്പോഴും നമ്മുടെ ശരീരത്തിലെ ജലാംശത്തെ ഇല്ലാതാക്കുന്നു. ഇത് ചര്‍മ്മത്തെ വരണ്ടതാക്കുകയും ചെയ്യുന്നു. ഇത് പലപ്പോഴും ത്വക്ക് സംബന്ധമായ പ്രശ്‌നങ്ങള്‍ക്ക് വഴിവെയ്ക്കും.

പാലും പാലുല്‍പ്പന്നങ്ങളും

പാലും പാലുല്‍പ്പന്നങ്ങളും ആരോഗ്യത്തിന് നല്ലതാണെങ്കിലും സൗന്ദര്യത്തിന്റെ കാര്യത്തില്‍ അല്‍പം ദോഷകരമാണ് പാല്‍. മുഖത്ത് കറുപ്പും വെളുപ്പും പാടുകള്‍ ഉണ്ടാക്കാന്‍ കാരണമാകും.

കാപ്പി കുടിയ്ക്കുന്നത്

കാപ്പി കുടിയ്ക്കുന്നത് നിര്‍ത്താന്‍ നമ്മള്‍ മലയാളികള്‍ക്ക് പ്രശ്‌നമുണ്ടാക്കും. എന്നാല്‍ കാപ്പി നമ്മുടെ ശരീരത്തിലെ കോര്‍ട്ടിസോളിന്റെ അളവ് വര്‍ദ്ധിപ്പിക്കും. ഇത് ചര്‍മ്മത്തെ വരണ്ടതാക്കുന്നു.

പഞ്ചസാരയുടെ അമിതോപയോഗം

പഞ്ചസാരയുടെ അമിതോപയോഗവും പലപ്പോഴും സൗന്ദര്യ പ്രശ്‌നങ്ങള്‍ സൃഷ്ടിക്കും. ഇത് അമിത പ്രായം തോന്നിക്കാന്‍ ഇടയാക്കും.