ഒരാഴ്ച കൊണ്ട് നിറം വര്‍ദ്ധിപ്പിക്കും വിദ്യ

ഇരട്ടി മധുരം നല്‍കും നിറം

കൈകാലുകള്‍ക്ക് നിറം നല്‍കാന്‍ ഇരട്ടി മധുരം സഹായിക്കും. ഇതിലടങ്ങിയിരിക്കുന്ന ഗ്ലാബറിഡിന്‍ ആണ് ശരീരത്തിന് നിറം നല്‍കാന്‍ സഹായിക്കുന്നത്. ഇത് മെലാനിന്റെ ഉത്പാദനം വര്‍ദ്ധിപ്പിക്കുന്നു. ഇരട്ടി മധുരം പാലില്‍ ചാലിച്ച് കൈയ്യിലും കാലിലും പുരട്ടിയാല്‍ മതി. ഇത് ചര്‍മ്മത്തിന് നിറം നല്‍കും.

മഞ്ഞള്‍

ആരോഗ്യത്തിന് മാത്രമല്ല സൗന്ദര്യത്തിനും മഞ്ഞള്‍ നല്‍കുന്ന ഗുണം വേറെ തന്നെയാണ്. മഞ്ഞള്‍ പൊടിച്ച് പാലില്‍ മിക്‌സ് ചെയ്ത് ശരീരത്തില്‍ തേയ്ക്കുന്നത് ഇരട്ടി ഗുണം ചെയ്യും. ഇത് ശരീരത്തിന് നിറം വര്‍ദ്ധിപ്പിക്കും. ആഴ്ചയില്‍ രണ്ട് ദിവസം ഇത്തരത്തില്‍ ചെയ്യാവുന്നതാണ്.

തൈര് നല്‍കുന്ന നിറം

വിറ്റാമിന്‍ സിയുടെ കലവറയാണ് പാലും പാലുല്‍പ്പന്നങ്ങളും. ആരോഗ്യത്തിന് മാത്രമല്ല സൗന്ദര്യത്തിന്റെ കാര്യത്തിലും ഇവ ഒട്ടും പുറകിലല്ല. അതുകൊണ്ട് തന്നെ തൈര് കൈയ്യിലും കാലിലും പുരട്ടുന്നത് സൂര്യപ്രകാശമേറ്റുണ്ടാകുന്ന കറുത്ത പാടുകളെ നീക്കുകയും മറ്റും പ്രശ്‌നങ്ങള്‍ ഇല്ലാതാക്കുകയും ചര്‍മ്മത്തിന് നിറം നല്‍കുകയും ചെയ്യുന്നു.

വെള്ളരിക്ക

വെള്ളരിക്ക നീര് രണ്ട് ടീ സ്പൂണ്‍ കറ്റാര്‍വാഴ നീരുമായി മിക്‌സ് ചെയ്ത് പുരട്ടുക. രാവിലെും രാത്രിയും ഇത്തരത്തില്‍ ചെയ്താല്‍ ചര്‍മ്മത്തിന് നല്ല നിറം കിട്ടും എന്ന കാര്യത്തില്‍ സംശയമില്ല.

ചന്ദനം

ചന്ദനത്തിന്റെ ആരോഗ്യഗുണങ്ങള്‍ നിരവധിയാണ്. ചന്ദനം ചര്‍മ്മത്തിന് നിറം നല്‍കുന്നതില്‍ മുന്നിലാണ്. ഇത് ചര്‍മ്മത്തിലെ കറുത്ത പുള്ളികളേയും കുത്തുകളേയും ഇല്ലാതാക്കുന്നു.

നാരങ്ങാ നീര്

നാരങ്ങ തീരെ ചെലവു കുറഞ്ഞ സൗന്ദര്യ സംരക്ഷണ മാര്‍ഗ്ഗമാണ്. ഇത് നല്ലൊരു ബ്ലീച്ച് ആയും പ്രവര്‍ത്തിക്കുന്നു. കൈമുട്ടിലേയും കാല്‍മുട്ടിലേയും കറുത്ത നിറം ഇല്ലാതാക്കാന്‍ നാരങ്ങ മുറിച്ച് കൈകാലുകളില്‍ ഉരസിയാല്‍ മതി.

ഓറഞ്ച്

നല്ലൊരു സ്‌ക്രബ്ബറായി ഉപയോഗിക്കാവുന്നതാണ് ഓറഞ്ച്. പഞ്ചസാരയും തേനും ഓറഞ്ച് നീരില്‍ ചാലിച്ച് കൈയ്യിലും കാലിലും പുരട്ടുന്നത് നിറം വര്‍ദ്ധിപ്പിക്കാന്‍ സഹായിക്കുന്നു.