മഞ്ഞുകാലത്ത് ചര്‍മം പൊളിയുന്നുവോ??

നെയ്യ്

കൈകള്‍ മോയ്സ്ചറൈസ് ചെയ്ത് നിലനിര്‍ത്താന്‍ സഹായിക്കുന്ന നെയ്യ് മിക്ക വീടുകളിലും ഉള്ള വസ്തുവാണ്. അല്പം നെയ്യ് കൈകകളിലും വിരലറ്റത്തും തേയ്ക്കുക. ചര്‍മ്മത്തിലേക്ക് നെയ്യ് ശരിക്കും ആഗിരണം ചെയ്യുന്നത് വരെ കൈകളും കവിളുകളും മസാജ് ചെയ്യുക. ദിവസവും രാത്രിയില്‍ ഇത് ചെയ്യുകയും രാവിലെ മൃദുലമായ കൈകളുമായി ഉറക്കമുണര്‍ന്ന് എഴുന്നേല്‍ക്കുകയും ചെയ്യുക.

വെളിച്ചെണ്ണ

നെയ്യ് ഇഷ്ടമല്ലെങ്കില്‍ വെളിച്ചെണ്ണ ഉപയോഗിക്കാം. മികച്ച മോയ്സ്ചറൈസിങ്ങ് ഏജന്‍റായ വെളിച്ചെണ്ണ ചര്‍മ്മത്തെ മൃദുലമാക്കി നിലനിര്‍ത്തും. ദിവസവും രാത്രി കടക്കുന്നതിന് മുമ്പായി കൈകള്‍ വെളിച്ചെണ്ണ തേച്ച് മസാജ് ചെയ്യുക. ചര്‍മ്മം ഉണങ്ങി പൊളിയുന്നത് തടയാന്‍ ഇത് ഫലപ്രദമാണ്.

പെട്രോളിയം ജെല്ലി

സുരക്ഷിതമായ ഒരു മാര്‍ഗ്ഗമാണ് പെട്രോളിയം ജെല്ലി. കിടക്കുന്നതിന് മുമ്പ് ഇത് കൈകളിലും കാല്‍ വിരലുകളിലും തേച്ച ശേഷം സോക്സ് ധരിക്കുക. ദിവസം മുഴുവന്‍ ചര്‍മ്മത്തിന്‍റെ തിളക്കം ഉറപ്പ് വരുത്താന്‍ മോയ്സ്ചറൈസറിന് പകരം പെട്രോളിയം ജെല്ലി ഉപയോഗിക്കാം.

ഓട്ട്മീല്‍

ചര്‍മ്മം ഉണങ്ങിപ്പൊളിയുന്നത് ശൈത്യകാലത്ത് ചൊറിച്ചിലും അസ്വസ്ഥതയും ഉണ്ടാക്കും. ഇത് പരിഹരിക്കാന്‍ അല്പം ഓട്ട്മീല്‍ ചൂട് വെള്ളത്തില്‍ നന്നായി കലര്‍ത്തുക. ഇത് ഒരു കപ്പെടുത്ത് കുളിക്കുന്ന വെള്ളത്തില്‍ ചേര്‍ക്കാം. കൈകളും കാലുകളും ഇതില്‍ മുക്കി വെയ്ക്കുകയും ചെയ്യാം.

വെള്ളം കുടിക്കുക

ശൈത്യകാലത്ത് പൊതുവെ വെള്ളം കുടിക്കുന്നത് കുറയും. ഇത് ചര്‍മ്മം വരളാനും പരുക്കനാകാനും പൊളിയാനും കാരണമാകും. ദിവസം കുറഞ്ഞത് ഏഴ്-എട്ട് ഗ്ലാസ്സ് വെള്ളം കുടിക്കുക. വെള്ളം കുടിക്കുന്ന കാര്യം ഓര്‍മ്മിപ്പിക്കുന്നതിന് ഫോണില്‍ ഓരോ മണിക്കൂര്‍ സമയത്തേക്കും റിമൈന്‍ഡറും വെയ്ക്കാം.