ഈ കറുത്ത പുള്ളികള്‍ മാറ്റാന്‍ രണ്ടാഴ്ച മതി

നാരങ്ങാ നീര്

എന്ത് സൗന്ദര്യ പ്രശ്‌നങ്ങള്‍ക്കും പരിഹാരം പലപ്പോഴും നാരങ്ങാ നീരിലുണ്ട്. നാരങ്ങാ നീരിന് ഇത്തരത്തിലുണ്ടാകുന്ന കറുത്ത പുള്ളികളെ പ്രതിരോധിയ്ക്കാനും ഉള്ള കഴിവുണ്ട് എന്നതാണ് കാര്യം. അല്‍പം നാരങ്ങാ നീര് പഞ്ഞിയില്‍ മുക്കി നേരിട്ട് തന്നെ കുത്തുകള്‍ക്ക് മുന്നില്‍ തേയ്ക്കുക. ഉണങ്ങിക്കഴിഞ്ഞതിനു ശേഷം തണുത്ത വെള്ളത്തില്‍ കഴുകുക. ഇത് രണ്ടാഴ്ച തുടര്‍ച്ചയായി ചെയ്താല്‍ കറുത്ത പുള്ളികള്‍ ഇല്ലാതാവും എന്ന കാര്യത്തില്‍ സംശയം വേണ്ട.

സംഭാരം

സംഭാരം കുടിയ്ക്കാന്‍ മാത്രമല്ല നല്ലത്, സൗന്ദര്യസംരക്ഷണത്തിനും വളരെ വലിയ പങ്കാണ് സംഭാരം വഹിയ്ക്കുന്നത്. അല്‍പം സംഭാരം എടുത്ത് അതില്‍ അല്‍പം തക്കാളി നീര് മിക്‌സ് ചെയ്യുകിത് മുഖത്ത് നല്ലതു പോലെ തേച്ചു പിടിപ്പിച്ച് 15 മിനിട്ടിനു ശേഷം കഴുകിക്കളയുക.

ഓട്‌സ്

ആരോഗ്യ കാര്യത്തില്‍ ഓട്‌സിനെ വെല്ലാന്‍ മറ്റൊന്നിനും കഴിയില്ല. സൗന്ദര്യത്തിന്റെ കാര്യത്തിലും അങ്ങനെ തന്നെ എന്നതാണ് കാര്യം. അല്‍പം ഓട്‌സ് നാരങ്ങാ നീരുമായി മിക്‌സ് ചെയ്ത് മുഖത്ത് സ്‌ക്രബ്ബ് ചെയ്യുക. ഇത് ഉണങ്ങിയതിനു ശേഷം മുഖം കഴുകാം.

ബദാം

ബദാം ഓയില്‍ സൗന്ദര്യസംരക്ഷണത്തില്‍ മുന്നിലാണ്. ബദാമും അങ്ങനെ തന്നെയാണ് എന്നതാണ് സത്യം. 10 ബദാം തലേദിവസം രാത്രി പാലില്‍ മുക്കി വെയ്ക്കുക. രാവിലെ ഇത് നല്ലതു പോലെ അരച്ചെടുക്കുക. അല്‍പം ചന്ദനത്തിന്റെ പൊടിയും അല്‍പം തേനും ഇതില്‍ മിക്‌സ് ചെയ്ത് പേസ്റ്റ് രൂപത്തിലാക്കുക. ഇത് മുഖത്ത് തേച്ചാല്‍ കറുത്ത പുള്ളികളും പാടുകളും നിശ്ശേഷം മാറും എന്ന കാര്യത്തില്‍ സംശയം വേണ്ട.

ചന്ദനപ്പൊടി

ചന്ദനപ്പൊടിയാണ് മറ്റൊരു പരിഹാരമാര്‍ഗ്ഗം. ഇത് ചര്‍മ്മത്തിന്റെ നിറം വര്‍ദ്ധിപ്പിക്കാനും ചര്‍മ്മത്തിന് തിളക്കം നല്‍കാനും സഹായിക്കുന്നു. ചന്ദനപ്പൊടി പാലിലോ തേനിലോ ചാലിച്ച് മുഖത്ത് തേച്ച് പിടിപ്പിക്കുക. ഇത് ഉണങ്ങിയതിനു ശേഷം കഴുകിക്കളയാം.

ഉരുളക്കിഴങ്ങ്

കഴിയ്ക്കാന്‍ മാത്രമല്ല സൗന്ദര്യത്തിന്റെ കാര്യത്തിലും ഉരുളക്കിഴങ്ങ് മുന്നില്‍ തന്നെയാണ്. ഉരുളക്കിഴങ്ങ് ചെറുതായി സ്ലൈസ് ആക്കി ഇത് മുഖത്ത് കറുത്ത പുള്ളികള്‍ക്ക് മുകളില്‍ വെയ്ക്കുക. അല്‍പസമയത്തിനു ശേഷം എടുത്തു മാറ്റാം. ഇത്തരത്തില്‍ ചെയ്യുന്നത് കറുത്ത പുള്ളികള്‍ ഇല്ലാതാവാനും ചര്‍മ്മത്തിലെ അഴുക്കിനെ മുഴുവന്‍ ഉരുളക്കിഴങ്ങ് വലിച്ചെടുക്കാനും സഹായിക്കുന്നു.