മുഖക്കുരു മാറ്റും ഗ്രീന്‍ ടീ പായ്ക്കുകള്‍

ചെറുനാരങ്ങ

ഗ്രീന്‍ ടീ തണുത്ത ശേഷം ഇതില്‍ അല്‍പം ചെറുനാരങ്ങാനീര് പിഴിഞ്ഞൊഴിയ്ക്കുക. ഗ്രീന്‍ ടീ തിളപ്പിച്ച ശേഷമുള്ള ടീ ബാഗോ ചായക്കൊറ്റനോ വെള്ളത്തില്‍ കലക്കിയും ഉപയോഗിയ്ക്കാം. ഇതിലും ചെറുനാരങ്ങാനീര് ചേര്‍ത്താല്‍ മതിയാകും. ഇത് മുഖത്തു പുരട്ടി കുറേക്കഴിയുമ്പോള്‍ ഇളം ചൂടുവെള്ളം കൊണ്ടു കഴുകിക്കളയാം.

ടീ ട്രീ ഓയില്‍

ഗ്രീന്‍ ടീ മിക്‌സ്ചറില്‍ അല്‍പം ടീ ട്രീ ഓയില്‍ ചേര്‍ത്ത് പേസ്റ്റാക്കുക. ഇത് മുഖത്തു പുരട്ടി കുറേക്കഴിയുമ്പോള്‍ കഴുകിക്കളയാം.

മുട്ടവെള്ള

ഗ്രീന്‍ ടീ വെള്ളത്തില്‍ മുട്ടവെള്ള ചേര്‍ത്തിളക്കി പേസ്റ്റാക്കാം. ഇതു മുഖത്തു പുരട്ടി ഉണങ്ങിക്കഴിയുമ്പോള്‍ ചെറുചൂടുവെള്ളം കൊണ്ടു കഴുകിക്കളയാം

തൈര്‌

ഗ്രീന്‍ ടീ ബാഗ് അല്‍പനേരം വെള്ളത്തിലിട്ടു തിളപ്പിയ്ക്കുക. ബാഗിനുള്ളിലെ മിശ്രിതം എടുക്കുക. ഇത് തൈരില്‍ കലര്‍ത്തി മുഖത്തു പുരട്ടാം.

പനിനീര്‍

പനിനീര്‍ ചൂടാക്കുക. ഇതില്‍ ഗ്രീന്‍ ടീ ബാഗ് ഇട്ടു വയ്ക്കുക. ഈ മിശ്രിതം തണുക്കുമ്പോള്‍ മുഖത്തു പുരട്ടാം.

ആപ്പിള്‍ സിഡെര്‍ വിനെഗര്‍

രണ്ടു ടേബിള്‍ സ്പൂണ്‍ ആപ്പിള്‍ സിഡെര്‍ വിനെഗര്‍ ഒരു കപ്പ് ഗ്രീന്‍ ടീയില്‍ ചേര്‍ത്ത് കുടിയ്ക്കാം. ഇത് ശരീരത്തില്‍ ആന്റിഓക്‌സിഡന്റ് ഉല്‍പാദനത്തിന് സഹായിക്കും. മുഖക്കുരു വരുന്നതു തടയും.

വെളുത്തുള്ളി

വെളുത്തുള്ളിയുടെ ജ്യൂസ് ഗ്രീന്‍ ടീയില്‍ ചേര്‍ത്തോ, വെളുത്തുള്ളി ചതച്ചതു ചേര്‍ത്തോ കുടിയ്ക്കാം. ഇത് മുഖക്കുരു മാറാന്‍ സഹായിക്കും.