വേനലില്‍ മുഖം തിളങ്ങാന്‍ വെറും ഐസ്‌ക്യൂബ്‌സ് മതി

കണ്ണിനു താഴെ കറുപ്പ്

ദിവസം മുഴുവന്‍ കംമ്പ്യൂട്ടറിനു മുന്നിലാണോ നിങ്ങളുടെ ജീവിതം എങ്കില്‍ അതുമൂലമുണ്ടാകുന്ന കണ്‍തടത്തിലെ കറുപ്പ് മാറ്റാനും കണ്ണിന്റെ ക്ഷീണകറ്റാനും ഐസ്‌ക്യൂബ് വളരെ നല്ലതാണ്. പത്ത് മിനിട്ട് ഐസ്‌ക്യൂബ് ഉപയോഗിച്ച് കണ്ണിന് താഴെ മസ്സാജ് ചെയ്യുക.

മേക്കപ്പിനു മുന്‍പ് ഐസ്‌ക്യൂബ്

മേക്കപ് ചെയ്യുന്നതിനു മുന്‍പ് ഐസ്‌ക്യൂബ് ഉപയോഗിച്ച് ചര്‍മ്മം വൃത്തിയാക്കാം. ഇത് മേക്കപ്പ് കൂടുതല്‍ നേരം നില്‍ക്കാന്‍ സഹായിക്കും. പ്രത്യേകിച്ച് വേനല്‍ക്കാലങ്ങളില്‍.

മുഖത്തെ നിര്‍ജ്ജലീകരണം

വേനല്‍ക്കാലത്ത് മുഖം എപ്പോഴും വരണ്ടതായി തോന്നും. എന്നാല്‍ ഐസ്‌ക്യൂബ് ഇതില്‍ നിന്നും നമ്മുടെ ചര്‍മ്മചത്തെ സംരക്ഷിക്കുന്നു.

എണ്ണമയമുള്ള ചര്‍മ്മത്തിന്

എണ്ണമയമുള്ള ചര്‍മ്മം മൂലമുണ്ടാകുന്ന എല്ലാ വിധ പ്രശ്‌നങ്ങള്‍ക്കും ഐസ്‌ക്യൂബ് പരിഹാരമാണ്. ഐസ്‌ക്യൂബ് പച്ചവെള്ളം കൊണ്ട് തന്നെ ഉണ്ടാക്കണം എന്നില്ല ഫ്രൂട്ട്ജ്യൂസ് ഐസ്‌ക്യൂബാക്കിയും ഉപയോഗിക്കാം.

മുഖക്കുരുവിനും പരിഹാരം

മുഖക്കുരുവിനും പരിഹാരമാണ് ഐസ്‌ക്യൂബ്‌സ്. മുഖക്കുരു ഇല്ലാതാവാന്‍ എന്നും കിടക്കുന്നതിനു മുന്‍പ് ഐസ്‌ക്യൂബ് വെച്ച് മസ്സാജ് ചെയ്യുക. ഇത് മുഖക്കുരു മൂലമുണ്ടാകുന്ന പാടുകളും ഇല്ലാതാക്കുന്നു.

സൂര്യാഘാതം മൂലമുണ്ടാകുന്ന പ്രശ്‌നം

സൂര്യപ്രകാശം മൂലം വേനല്‍ക്കാലത്തുണ്ടാകുന്ന എല്ലാ വിധ ചര്‍മ്മ പ്രശ്‌നങ്ങള്‍ക്കും ഐസ്‌ക്യൂബാണ് പ്രതിവിധി. അല്‍പം ഐസ് ക്യൂബ്‌സ് ഒരു തുണിയില്‍ പൊതിഞ്ഞ് മുഖത്ത് ഉരസുക. ഇത് സൂര്യാഘാതം മൂലമുണ്ടാകുന്ന കറുത്ത പാടുകള്‍ ഇല്ലാതാക്കുന്നു.

മുഖത്തെ രക്തയോട്ടം

മുഖത്തെ രക്തയോട്ടം വര്‍ദ്ധിപ്പിക്കുന്നതിനും ഐസ്‌ക്യൂബിന് കഴിയും. ഐസ്‌ക്യൂബ് കൊണ്ട് മുഖം മസ്സാജ് ചെയ്യുമ്പോള്‍ മുഖത്തെ മൃതകോശങ്ങള്‍ ഇല്ലാതാവുകയും രക്തയോട്ടം വര്‍ദ്ധിക്കുകയും ചെയ്യുന്നു.