ഈ പ്രശ്‌നങ്ങള്‍ക്ക് വീട്ടില്‍ തന്നെ പരിഹാരം

ഉപ്പൂറ്റി വിണ്ടു കീറല്‍

ഉപ്പൂറ്റി വിണ്ടു കീറുന്നത് കാലിന്റെ സൗന്ദര്യത്തെ സാരമായി തന്നെ ബാധിയ്ക്കും. വേപ്പിലയും പച്ചമഞ്ഞളും തൈരില്‍ അരച്ചു പുരട്ടുക. അല്ലെങ്കില്‍ ഒരു പിടി അരി തേങ്ങാ വെള്ളത്തിലിട്ടു കുതിര്‍ത്ത ശേഷം അരച്ചു പുരട്ടുക.

കാലിലെ ആണി

ഇഞ്ചിനീരും ചുണ്ണാമ്പുവെള്ളത്തിന്റെ തെളിനീരും ചേര്‍ത്തു പുരട്ടുക. കഞ്ഞിവെള്ളത്തില്‍ ഇന്തുപ്പ് ചാലിച്ച് പതിവായി പുരട്ടുക.

തീ പൊള്ളല്‍

മുക്കുറ്റി നമ്മുടെ നാട്ടിന്‍ പുറങ്ങളില്‍ സാധാരണ കാണപ്പെടുന്ന ഒന്നാണ്. മുക്കുറ്റി അരച്ച് തൈരിലരച്ച് പുരട്ടുക.

പുഴുക്കടിയ്ക്കും പരിഹാരം

തുളസി നീരില്‍ ചെറുനാരങ്ങാ നീര് കലര്‍ത്തി തേയ്ക്കുക. പപ്പായയുടെ പാലും പുഴുക്കടിയുള്ള ഭാഗത്ത് പുരട്ടുക.

ചുടുകുരു

ഇന്നത്തെ കാലാവസ്ഥയില്‍ ചുടുകുരു എപ്പോഴും പ്രശ്‌നമുണ്ടാക്കുന്നതാണ്. ചെറുപയറിന്റെ പൊടിയും ഇഞ്ചയും തേച്ചു കുളിയ്ക്കുക.

ചുണങ്ങ്

ചെറുനാരങ്ങാ നീര് ഉപ്പിലിട്ട് ചുണങ്ങ് ഉള്ള ഭാഗത്ത് പുരട്ടുകയോ അല്ലെങ്കില്‍ വെറ്റില നീരില്‍ വെളുത്തുള്ളി അരച്ച് പുരട്ടുകയോ ചെയ്യുക.

അരിമ്പാറ

വെളുത്തുള്ളി ചുട്ട് അതിന്റെ ചൂട് അരിമ്പാറയ്ക്കു മുകളില്‍ വെയ്ക്കുക. അല്ലെങ്കില്‍ ചുണ്ണാമ്പും കാരവും സമം ചേര്‍ത്ത് അരിമ്പാറയില്‍ പുരട്ടുക.