കുക്കുമ്പര്‍ കൊണ്ടു മുഖം വെളുപ്പിക്കാം

1. വെള്ളരിക്കയും നാരങ്ങനീരും

വെള്ളരിക്ക അരച്ച് അതില് അല്‍പം നാരങ്ങനീരും ഒരു നുള്ള് മഞ്ഞളും ചേര്‍ക്കുക. ഇത് മുഖത്ത് തേച്ച് അല്‍പസമയത്തിന് ശേഷം കഴുകിക്കളയാം. മുട്ടയുടെ വെള്ളയും ഇതില്‍ ചേര്‍ക്കാവുന്നതാണ്. ഈ ഫേസ്പായ്ക്ക് എണ്ണമയമുള്ള ചര്‍മ്മത്തിന് യോജിച്ചതാണ്.

2. വെള്ളരിക്കയും മുള്‍ട്ടാണി മിട്ടിയും

വെള്ളരിക്കയും മുള്‍ട്ടാണി മിട്ടിയും റോസ് വോട്ടറും കൂട്ടിക്കലര്‍ത്തുക. ഇത് മുഖത്ത് തേച്ച് പിടിപ്പിച്ച് അല്‍പസമയത്തിന് ശേഷം കഴുകിക്കളയാം. മുഖക്കുരു മാറ്റാന്‍ സഹായിക്കുന്നതാണ് ഈ ഫേസ്പായ്ക്ക്.

3. വെള്ളരിക്കയും തേനും

വെള്ളരിക്ക പള്‍പ്പില്‍ ഓട്ട്സ് ചേര്‍ത്ത് അല്‍പം തേന്‍കൂടി കലര്‍ത്തി മുഖത്ത് തേയ്ക്കുക. 20 മിനുട്ടിന് ശേഷം ചൂടുള്ള വെള്ളം ഉപയോഗിച്ച് മുഖം കഴുകുക. ചര്‍മ്മത്തിന്‍റെ വരള്‍ച്ച മാറ്റാന്‍ ഇത് ഫലപ്രദമാണ്.

4. വെള്ളരിക്കയും ആപ്പിളും

അല്‍പം വെള്ളരിക്കയും ആപ്പിളും ഓട്ട്സും കൂടി ചേര്‍ത്ത് കുഴമ്പ് രൂപത്തിലാക്കുക. ഇത് മുഖത്ത് തേച്ച് അല്‍പസമയം കഴിഞ്ഞ് കഴുകിക്കളയാം. സംവേദനത്വം കൂടിയ ചര്‍മ്മത്തിന് ഇത് അനുയോജ്യമാണ്.

5. വെള്ളരിക്കയും കറ്റാര്‍വാഴയും

കറ്റാര്‍വാഴയുടെ നീരും വെള്ളരിക്ക ജ്യൂസും കൂട്ടിക്കലര്‍ത്തുക. ഇത് മുഖത്ത് തേച്ച് അല്‍പസമയം കഴിഞ്ഞ് നന്നായി കഴുകുക.

6. വെള്ളരിക്കയും അവൊക്കാഡോയും

വെള്ളരിക്ക അരിഞ്ഞ് അവൊക്കാഡോയും ചേര്‍ത്ത് പേസ്റ്റ് രൂപത്തിലാക്കുക. ഇത് മുഖത്ത് തേച്ച് അല്‍പസമയത്തിന് ശേഷം കഴുകിക്കളയുക. ഇത് കോശങ്ങള്‍ക്ക് ഉള്ളില്‍ നിന്ന് നനവ് നല്‍കുക വഴി ചര്‍മ്മത്തിന് ഉന്മേഷവും തിളക്കവും ലഭിക്കും.