മുഖസൗന്ദര്യത്തില്‍ ആരും ശ്രദ്ധിക്കാത്ത തെറ്റുകള്‍

മുഖത്തിന്റെ വൃത്തി

മുഖം ഉരച്ചു കഴുകിയാലേ വൃത്തിയാവൂ എന്ന ചിന്തയാണ് പലപ്പോഴും നമ്മളെ കൂടുതല്‍ പ്രശ്‌നത്തിലാക്കുന്നത്. ആ വൃത്തിയാക്കലിന്റെ ഭാഗമായി സര്‍വ്വശക്തിയുമെടുത്ത് മുഖം കഴുകുന്നതിലൂടെ മുഖത്ത മൃദുല ചര്‍മ്മത്തിന്റെ കാര്യത്തില്‍ തീരുമാനമാകും.

മുഖത്തെ വരള്‍ച്ച

ക്രീം കൂടുതല്‍ ഉപയോഗിച്ചാല്‍ മുഖം എപ്പോഴും ഭംഗിയോടെ ഇരിയ്ക്കും എന്നൊരു ധാരണ നിങ്ങള്‍ക്കുണ്ടെങ്കില്‍ അതും ഉടന്‍ തന്നെ മാറ്റണം. കാരണം പല ക്രീമുകളും മുഖം ഡ്രൈ ആകാന്‍ മാത്രമാണ് സഹായിക്കുന്നത്.

വെള്ളത്തിന്റെ കാര്യത്തിലും ശ്രദ്ധ

മുഖം കഴുകാന്‍ ഉപയോഗിക്കുന്ന വെള്ളം അമിത ചൂടുള്ളതോ കൊടും തണുപ്പുള്ളതോ ആകരുത്. ഇളം ചൂടുവെള്ളമാണ് ഉത്തമം.

മേക്കപ്പ് ഉപയോഗിക്കുമ്പോള്‍

മേക്കപ്പ് ഉപയോഗിക്കുമ്പോള്‍ ഉറങ്ങുന്നതിനു മുന്‍പ് കഴുകിക്കളയാന്‍ ശ്രദ്ധിക്കുക. അല്ലെങ്കില്‍ ഇത് ചര്‍മ്മത്തിനുണ്ടാക്കുന്ന പ്രശ്‌നം പിന്നീട് പരിഹരിക്കാനാകില്ല.

ബ്യൂട്ടി പാര്‍ലര്‍ സൂക്ഷിക്കുക

ദിവസവും ബ്യൂട്ടി പാര്‍ലറില്‍ കയറിയിറങ്ങുന്നവരാണ് നിങ്ങളെങ്കില്‍ അതും നിര്‍ത്തിക്കോളൂ. ഇത്തരം പരീക്ഷണങ്ങള്‍ പിന്നീട് മുഖം പുറത്തു കാണിക്കാത്ത രീതിയിലേക്ക് മാറാന്‍ താമസമില്ല.

ഫേസ് വാഷ് ഉപയോഗിക്കുമ്പോള്‍

ഫേസ് വാഷ് ഉപയോഗിച്ചാല്‍ മാത്രമേ മുഖം വൃത്തിയാവൂ എന്നൊരു വിചാരം പലര്‍ക്കുമുണ്ട്. എന്നാല്‍ ഇതും നമ്മള്‍ മുഖത്തോട് ചെയ്യുന്ന ക്രൂരതയാണ്.