മുഖക്കുരുവിന് ആയുര്‍വ്വേദത്തിലുണ്ട് പരിഹാരം

ആര്യവേപ്പ് നല്ലൊരു പ്രതിവിധി

ആര്യവേപ്പും മഞ്ഞളും അരച്ച് മുഖത്ത് പുരട്ടുന്നത് മുഖക്കുരുവിനെ ഇല്ലാതാക്കും. ഇല്ലാതാക്കും എന്നു മാത്രമല്ല മുഖക്കുരുവിന്റെ പാടു പോലും അവശേഷിക്കിപ്പിക്കില്ല. ഇത് മുഖത്തിട്ട് അരമണിക്കൂറിനു ശേഷം കഴുകിക്കളയുക. മുഖത്തിന് നല്ല തിളക്കവും കിട്ടും.

സൂര്യപ്രകാശം കൊള്ളുക

സൂര്യപ്രകാശം കൊള്ളുന്നത് സൗന്ദര്യത്തിന് നല്ലതാണ്. സൂര്യപ്രകാശം യഥാര്‍ത്ഥത്തില്‍ ബാക്ടീരിയയെ ഇല്ലാതാക്കുന്നു. ഇത് കൂടുതല്‍ മുഖക്കുരു ഉണ്ടാവാനുള്ള സാധ്യത കുറയ്ക്കുന്നു.

വെള്ളം ധാരാളം കുടിയ്ക്കുക

മുഖക്കുരു ഉണ്ടാവുന്നതിനെ പ്രതിരോധിയ്ക്കാന്‍ ഏറ്റവും നല്ല മാര്‍ഗ്ഗമാണ് ധാരാളം വെള്ളം കുടിയ്ക്കുക എന്നത്. ഇത് ശരീരത്തെ നിര്‍ജ്ജലീകരണത്തില്‍ നിന്നും മുക്തമാക്കുന്നു.

എണ്ണമയമുള്ള മുടി

എണ്ണമയമുള്ള മുടിയും മുഖക്കുരുവിന്റ പ്രധാന കാരണങ്ങളില്‍ ഒന്നാണ്. അതുകൊണ്ട് തന്നെ മുടിയില്‍ ആഴ്ചയില്‍ രണ്ട് പ്രാവശ്യമെങ്കിലും ഷാമ്പൂ ഉപയോഗിക്കുക.

തേങ്ങാപ്പാല്‍

തേങ്ങാപ്പാല്‍ ഉപയോഗിച്ച് മുഖം വൃത്തിയാക്കുന്നത് മുഖക്കുരു കുറയ്ക്കും. എന്നും രാവിലെ തേങ്ങാപ്പാല്‍ ഉപയോഗിച്ച് മുഖക്കുരു ഉള്ള ഭാഗം കഴുകുക.

കാരറ്റ് ജ്യൂസും മാങ്ങാ ജ്യൂസും

കാരറ്റ് ജ്യൂസും മാങ്ങാ ജ്യൂസും മിക്‌സ് ചെയ്ത് മുഖത്ത് പുരട്ടുന്നതും മുഖക്കുരുവിനെ പ്രതിരോധിയ്ക്കും.