ഈ പത്ത് പ്രശ്‌നങ്ങള്‍ക്ക് ഒറ്റപ്പരിഹാരം

ചര്‍മ്മത്തിന് നിറം

പല കാരണങ്ങള്‍ കൊണ്ടും ചര്‍മ്മത്തിന്റെ സ്വാഭാവിക നിറം നഷ്ടപ്പെട്ടവര്‍ നിരവധിയാണ്. ക്രീമുകളും മറ്റും വാരിത്തേച്ചിട്ടും ഇതിന് പരിഹാരം കാണാന്‍ പലപ്പോഴും കഴിഞ്ഞിട്ടില്ല. രണ്ട് ടേബിള്‍ സ്പൂണ്‍ ആവക്കാഡോ പള്‍പ്പും ഒരു ടേബിള്‍ സ്പൂണ്‍ തൈരും ഒരു ടേബിള്‍ സ്പൂണ്‍ നാരങ്ങാ നീരും മിക്‌സ് ചെയ്ത് മുഖത്ത് പുരട്ടുക. ഇത് 10 മിനിട്ടിനു ശേഷം കഴുകിക്കളയാം. ചര്‍മ്മത്തിന്റെ നിറം വര്‍ദ്ധിക്കും.

ചര്‍മ്മത്തിന്റെ തിളക്കം

ചര്‍മ്മത്തിന്റെ തിളക്കം വര്‍ദ്ധിപ്പിക്കാനും ആവക്കാഡോ തന്നെയാണ് മുന്നില്‍. നല്ലതു പോലെ പഴുത്ത ആവക്കാഡോയും ഒരു ടേബിള്‍ സ്പൂണ്‍ തേനും മിക്‌സ് ചെയ്ത് പുരട്ടുക. ഇത് ചര്‍മ്മത്തിന് തിളക്കം നല്‍കുന്നു.

മുഖക്കുരുവിന് ഗുഡ്‌ബൈ

മുഖക്കുരു പോലുള്ള പ്രശ്‌നങ്ങളെ പരിഹരിയ്ക്കുന്നതിനും ആവക്കാഡോ മുന്നിലാണ്. മുഖക്കുരുവുണ്ടാ്ക്കുന്ന ബാക്ടീരിയകളെ ആവക്കാഡോ തുരത്തുന്നു. രണ്ട് ടേബിള്‍ സ്പൂണ്‍ ആവക്കാഡോ പള്‍പ്പില്‍ രണ്ട് ടേബിള്‍ സ്പൂണ്‍ തേനും അര ടേബിള്‍ സ്പൂണ്‍ കറുവപ്പട്ടയുടെ പൗഡറും മിക്‌സ് ചെയ്ത് മുഖത്ത് പുരട്ടുക.

എണ്ണമയമുള്ള ചര്‍മ്മത്തിന്

എണ്ണമയമുള്ള ചര്‍മ്മത്തിനെ പ്രതിരോധിയ്ക്കാനും ആവക്കാഡോ മുന്നിലാണ്. രണ്ട് ടേബിള്‍ സ്പൂണ്‍ ആവക്കാഡോ ഒരു മുട്ടയുടെ വെള്ള ഒരു ടേബിള്‍ സ്പൂണ്‍ നാരങ്ങാ നീര് എന്നിവ മിക്‌സ് ചെയ്ത് മുഖത്ത് പുരട്ടുക. ഇത് മുഖത്തെ എണ്ണമയത്തെ ഇല്ലാതാക്കുന്നു.

ബ്ലാക്ക് ഹെഡ്‌സിനെ തുരത്താന്‍

ബ്ലാക്ക് ഹെഡ്‌സിനെ തുരത്താനും ആവക്കാഡോ തന്നെ മുന്നില്‍. രണ്ട് ടേബിള്‍ സ്പൂണ്‍ ആവക്കാഡോയില്‍ ഒരു ടേബിള്‍ സ്പൂണ്‍ കളിമണ്ണും കാല്‍ ടേബിള്‍ സ്പൂണ്‍ നാരങ്ങാ നീരും മിക്‌സ് ചെയ്ത് മുഖത്ത് ബ്ലാക്ക്‌ഹെഡ്‌സ് ഉള്ള സ്ഥലങ്ങളില്‍ പുരട്ടുക.

വരണ്ട ചര്‍മ്മത്തിന്

വരണ്ട ചര്‍മ്മത്തെ പ്രതിരോധിയ്ക്കാനും ആവക്കാഡോയ്ക്ക് കഴിയും. ആവക്കാഡോ പള്‍പ്പില്‍ അല്‍പം തേനും അല്‍പം വെളിച്ചെണ്ണയും മിക്‌സ് ചെയ്ത് പുരട്ടുക. 15 മിനിട്ടിനു ശേഷം തണുത്ത വെള്ളത്തില്‍ കഴുകിക്കളയുക.

ചര്‍മ്മം പൊളിഞ്ഞു പോരുന്നതിന്

ചര്‍മ്മം പൊളിഞ്ഞ് പോരുന്നതിനും പരിഹാരമാണ് ആവക്കാഡോ. മാത്രമല്ല പ്രായാധിക്യം മൂലമുണ്ടാകുന്ന പല ചര്‍മ്മ ്പ്രശ്‌നങ്ങള്‍ക്കും പരിഹാരമാണ് ആവക്കാഡോ.

വെള്ളപ്പാണ്ടിന്

വെള്ളപ്പാണ്ട് മൂലം ബുദ്ധിമുട്ടുന്നവരും ഒട്ടും കുറവല്ല. അതുകൊണ്ട് തന്നെ ആവക്കാഡോ വെള്ളപ്പാണ്ടിനെ പ്രതിരോധിയ്ക്കുന്നു. ആവക്കാഡോയില്‍ അല്‍പം വെളിച്ചെണ്ണ മിക്‌സ് ചെയ്ത് പുരട്ടിയാല്‍ മതി.

ചര്‍മ്മത്തില്‍ ഈര്‍പ്പം നിലനിര്‍ത്താന്‍

ചര്‍മ്മത്തില്‍ ഈര്‍പ്പം നിലനിര്‍ത്താന്‍ ആവക്കാഡോ സഹായിക്കുന്നു. ആവക്കാഡോയുടെ പള്‍പ്പില്‍ രണ്ട് ടേബിള്‍ സ്പൂണ്‍ തേനും ഒരു മുട്ടയുടെ മഞ്ഞയും മിക്‌സ് ചെയ്ത് മുഖത്ത് നല്ലതു പോലെ തേച്ചു പിടിപ്പിക്കുക. ഇത് ചര്‍മ്മത്തിലെ ഈര്‍പ്പം നിലനിര്‍ത്താന്‍ സഹായിക്കുന്ന ഒന്നാണ്.

മുഖത്തെ സുഷിരങ്ങള്‍ക്ക്

ചിലരുടെ മുഖത്ത് ചെറിയ തോതില്‍ സുഷിരങ്ങള്‍ ഉണ്ടായിരിക്കും. ഇതിനെ പ്രതിരോധിയ്ക്കാനും ആവക്കാഡോ തന്നെയാണ് മികച്ചത്. നല്ലതുപോലെ അരച്ച ആവക്കാഡോയുടെ കൂടെ അരച്ചു പേസ്റ്റാക്കിയ വെള്ളരിക്കയും അല്‍പം തേരും ഒരു ടേബിള്‍ സ്പൂണ്‍ തേനും മിക്‌സ് ചെയ്യുക. ഇത് മുഖത്ത് തേച്ചു പിടിപ്പിച്ച് അല്‍പ സമയത്തിനു ശേഷം കഴുകി കളയാം. ആഴ്ചയില്‍ രണ്ട് ദിവസം ഇങ്ങനെ ചെയ്യണം.