മുഖക്കുരു ഗുരുതരമെങ്കിലും ഈസിയായി മാറ്റാം

കറ്റാര്‍വാഴ

കറ്റാര്‍വാഴയ്ക്ക് ആരോഗ്യ സൗന്ദര്യഗുണങ്ങള്‍ നിരവധിയാണ്. ഇതിലുള്ള ആന്റിബാക്ടീരിയല്‍ പവ്വര്‍ ആണ് പലപ്പോഴും മുഖക്കുരുവെന്ന പ്രശ്‌നത്തെ നിസ്സാരമായി ഇല്ലാതാക്കുന്നത്. കറ്റാര്‍വാഴയുടെ ജെല്‍ എടുത്ത് പഞ്ഞി ഉപോഗിച്ച് മുഖത്ത് തേച്ച് പിടിപ്പിക്കാം. ഉണങ്ങിയ ശേഷം കഴുകിക്കളയാം. ആഴ്ചയില്‍ മൂന്ന് തവണയെങ്കിലും ഇത്തരത്തില്‍ ചെയ്യാം. ഇത് മുഖക്കുരുവിനെ നശിപ്പിക്കുന്നു.

ആപ്പിള്‍ സിഡാര്‍ വിനീഗര്‍

ആപ്പിള്‍ സിഡാര്‍ വിനീഗര്‍ ആണ് മറ്റൊന്ന്. ഇതിലുള്ള ലാക്ടിക് ആസിഡ് മുഖക്കുരു ഉണ്ടാക്കുന്ന ബാക്ടീരിയകളെ ഇല്ലാതാക്കുകയും മുഖചര്‍മ്മത്തിന് മൃദുത്വം നല്‍കുകയും ചെയ്യുന്നു. മൂന്ന് ടീസ്പൂണ്‍ വെള്ളത്തില്‍ ആപ്പിള്‍ സിഡാര്‍ വിനീഗര്‍ മിക്‌സ് ചെയ്ത് മുഖത്ത് നല്ലതു പോലെ പഞ്ഞി ഉപയോഗിച്ച് തേച്ച് പിടിപ്പിക്കുക. 10 മിനിട്ടിനു ശേഷം കഴുകിക്കളയാം.

ബേക്കിംഗ് സോഡ

ബേക്കിംഗ് സോഡയാണ് മറ്റൊന്ന്. ഒരു ടീസ്പൂണ്‍ ബേക്കിംഗ് സോഡയില്‍ ഒരു ടീസ്പൂണ്‍ വെള്ളം മിക്‌സ് ചെയ്ത് അല്‍പം നാരങ്ങ നീരു കൂടി മിക്‌സ് ചെയ്ത് തേച്ച് പിടിപ്പിക്കാം. ആഴ്ചയില്‍ മൂന്ന് തവണ ഇത് തുടരാം.

ടീ ട്രീ ഓയില്‍

മുഖക്കുരുവിനെ പ്രതിരോധിയ്ക്കാനുള്ള മറ്റൊരു പ്രകൃതിദത്തമായ വഴിയാണ് ടീ ട്രീ ഓയില്‍. അര ടീസ്പൂണ്‍ ടീ ട്രീ ഓയില്‍ രണ്ട് ടേബിള്‍ സ്പൂണ്‍ വെള്ളം അല്‍പം കറ്റാര്‍ വാഴയുടെ ജെല്‍ എന്നിവയാണ് ആവശ്യമുള്ള സാധനങ്ങള്‍. ഇത് മുഖത്ത് തേച്ച് പിടിപ്പിച്ച് നല്ലതുപോലെ കഴുകിക്കളയുക.

നാരങ്ങ നീര്

നാരങ്ങ നീര് മുഖത്തെ അമിത എണ്ണമയത്തെ ഇല്ലാതാക്കുന്നു. ഇത് മൃതകോശങ്ങളെ ഇല്ലാതാക്കുന്നു. നാരങ്ങ നീര് മുഖത്ത് തേച്ച് പിടിപ്പിച്ച് 10 മിനിട്ടിനു ശേഷം കഴുകിക്കളയാം. ആഴ്ചയില്‍ മൂന്ന് തവണയെങ്കിലും ഇത് തുടരാം.

ഓറഞ്ച് തൊലിയും നാരങ്ങയും

ഓറഞ്ച് തൊലി ഉണക്കിപ്പൊടിച്ചത് നാരങ്ങ നീരുമായി മിക്‌സ് ചെയ്ത് മുഖത്ത് തേച്ച് പിടിപ്പിക്കുക. അല്‍പസമയത്തിനു ശേഷം കഴുകിക്കളയാം. ഇത് മുഖക്കുരുവിനേയും മുഖക്കുരു പാടുകളേയും മാറ്റുന്നു.

വെള്ളരിയ്ക്ക

വെള്ളരിയ്ക്ക നല്ലൊരു ആസ്ട്രിജന്റ് തന്നെയാണ്. ഇത് മുഖക്കുരുവിനെ ഇല്ലാതാക്കുന്നു. വെള്ളരിയ്ക്ക നീര് മുഖത്ത് തേച്ച് പിടിപ്പിച്ച് നല്ലതു പോലെ കഴുകിക്കളയാം. ഇത് മുഖക്കുരുവിനെ ഇല്ലാതാക്കുന്നു.