പച്ചക്കറി ജ്യൂസ് കഴിച്ച് തിളങ്ങാം..

ക്യാരറ്റ് ജ്യൂസ്

തിളക്കമാര്‍ന്ന ചര്‍മം കിട്ടാന്‍ മികച്ച ജ്യൂസാണ് ക്യാരറ്റ് ജ്യൂസ്. വൈറ്റമിന്‍ സി ധാരാളം അടങ്ങിയ ക്യാരറ്റ് ജ്യൂസില്‍ ഫൈബറും അടങ്ങിയിട്ടുണ്ട്. ഇത് ചര്‍മത്തെ മൃദുവാക്കിയും നിലനിര്‍ത്തും.

തക്കാളി പഴം പോലെ ചുവക്കാം

തക്കാളി പഴം പോലെ ചുവന്നുതുടുത്ത ചര്‍മമാണ് വേണ്ടതെങ്കില്‍ തക്കാളി ജ്യൂസ് കഴിക്കാം.

ബേബി കോണ്‍ ജ്യൂസ്

ചോളം കൊണ്ട് ജ്യൂസ് ആക്കാം. ഇത് ചര്‍മത്തെ ആരോഗ്യത്തോടെയും തിളക്കത്തോടെയും നിലനിര്‍ത്തും. ഇത് ദഹനം മെച്ചപ്പെടുത്താനും സഹായിക്കും. വൈറ്റമിന്‍ എ, സി എന്നിവ അടങ്ങിയിട്ടുണ്ട്.

ഗ്രീന്‍പീസ് ജ്യൂസ്

ഗ്രീന്‍പീസ് കൊണ്ട് നിങ്ങള്‍ വിഭവങ്ങള്‍ ഉണ്ടാക്കുന്നുണ്ടാകാം. എന്നാല്‍ ജ്യൂസ് കഴിക്കാറുണ്ടോ. വൈറ്റമിന്‍ ബി-6, കെ എന്നിവ അടങ്ങിയ ഇവ ചര്‍മത്തിന് തിളക്കം നല്‍കും. ആന്റി-ഓക്‌സിഡന്റ്, ആന്റി-ഇന്‍ഫഌമേറ്ററി ഘടകങ്ങള്‍ അടങ്ങിയതാണ്.

ചീര ജ്യൂസ്

വൈറ്റമിന്‍ കെ അടങ്ങിയ ചീര നിങ്ങളുടെ ചര്‍മത്തിന് മികച്ച ഫലം നല്‍കും. ഇതിലടങ്ങിയിരിക്കുന്ന അയേണ്‍ രക്ത കോശങ്ങളുടെ ഉത്പാദനത്തിന് സഹായിക്കും.

ബ്രൊക്കോളി ജ്യൂസ്

പോഷകങ്ങളുടെ കലവറയായ പച്ചക്കറിയാണ് ബ്രൊക്കോളി. ഇത് ജ്യൂസാക്കി കുടിക്കുന്നത് ചര്‍മത്തിന് തിളക്കം നല്‍കും. ഫൈബറും, വൈറ്റമിന്‍ സിയും അടങ്ങിയിട്ടുണ്ട്.