മുഖക്കുരു ഉണ്ടെങ്കില്‍ ഇതൊന്നും ചെയ്യരുത്..

മുഖക്കുരു തൊടരുത്

ആദ്യം നിങ്ങളുടെ ഈ ദുശീലം ഒഴിവാക്കുക. മുഖക്കുരു ഇടയ്ക്കിടെ തൊടുന്ന പതിവ് ഒഴിവാക്കുക. ഇത് മുഖക്കുരു കൂടാന്‍ കാരണമാക്കും.

മുഖക്കുരു പൊട്ടിക്കരുത്

മറ്റൊരു പ്രധാന കാര്യം മുഖക്കുരു പൊട്ടിച്ചു കളയരുത്. ഇത്തരം ദുശീലം ഒഴിവാക്കുക. ഇത് നിങ്ങളുടെ ചര്‍മത്തിന് വീണ്ടും കേടുവരുത്തുകയാണ് ചെയ്യുക. മുഖക്കുരു പൊട്ടിക്കുമ്പോള്‍ അതിനുള്ളിലെ ബാക്ടീരിയകള്‍ മറ്റ് ഭാഗങ്ങളിലും വ്യാപിക്കാന്‍ കാരണമാകും.

പരുപരുത്ത സ്‌ക്രബുകള്‍ ഉപയോഗിക്കരുത്

മുഖക്കുരുവിനുമേല്‍ പരുപരുത്ത സ്‌ക്രബുകള്‍ തേച്ച് കഴുകുന്നത് നല്ലതല്ല. ഇത് നിങ്ങളുടെ പുറം തൊലിയെ കേടുവരുത്തും. മുഖം മൃദുവായി മാത്രമേ പരിപാലിക്കാന്‍ പാടുള്ളൂ.

ഇടയ്ക്കിടെ മുഖം കഴുകാം

മുഖത്ത് കുരുവുള്ളവര്‍ ഇടയ്ക്കിടെ മുഖം കഴുകുക. ഇതില്‍ പറ്റിപിടിച്ചിരിക്കുന്ന പൊടികള്‍ എന്നും നീക്കം ചെയ്യുക. ഇത് മുഖക്കുരു കൂട്ടാതിരിക്കും.

മുടി തട്ടരുത്

മുഖത്ത് മുടി തട്ടാതെ ഇരിക്കുന്നതാണ് നല്ലത്. മുടിയിലെ എണ്ണമയവും താരനുമൊക്കെ മുഖത്ത് പതിക്കാന്‍ കാരണമാകും. എണ്ണ തേച്ച മുടി മുഖക്കുരുവില്‍ തട്ടുന്നത് നല്ലതല്ല.

ഡ്രൈ വാഷ് ഉപയോഗിക്കുക

മുഖത്ത് ഡ്രൈ വാഷ് മാത്രം ഉപയോഗിക്കുക. ഓയില്‍ വാഷോ, ക്രീമിയര്‍ വാഷോ ഉപയോഗിക്കരുത്. ഇത് മുഖക്കുരുവിന് നല്ലതല്ല.

ടിഷ്യു ഉപയോഗിക്കുക

എന്നും കൈയ്യില്‍ ടിഷ്യു ഉണ്ടായിരിക്കുന്നത് നല്ലതാണ്. സോഫ്റ്റായ സാധനം കൊണ്ട് മുഖം തുടയ്ക്കുന്നതാണ് നല്ലത്. ടവലിനെക്കാളും മിക്കച്ചത് ടിഷ്യു തന്നെയാണ്.

ഓയില്‍ മസാജ്

മുഖക്കുരു ഉള്ളവര്‍ ഒരിക്കലും ഒയില്‍ മസാജ് ചെയ്യരുത്. ഇത് മുഖക്കുരു കൂട്ടാന്‍ കാരണമാക്കും.

കറ്റാര്‍ വാഴയെ മറക്കരുത്

മുഖക്കുരു ഉള്ള ചര്‍മത്തിന് ഏറ്റവും മികച്ച പരിഹാരമാര്‍ഗമാണ് കറ്റാര്‍ വാഴ. കറ്റാര്‍ വാഴയുടെ പശ കൊണ്ട് പ്രകൃതിദത്തമായ സൗന്ദര്യവര്‍ദ്ധക വസ്തുക്കള്‍ ഉണ്ടാക്കിയെടുക്കാം.

ഓയില്‍ ഫുഡ് ഒഴിവാക്കുക

മുഖക്കുരു ഉള്ളവര്‍ എണ്ണമയമുള്ള ഭക്ഷണങ്ങള്‍ കഴിക്കാതിരിക്കുക. ഇത് മുഖക്കുരുവിന് നല്ല വളം നല്‍കും. കൂടുതലായി വളരാന്‍ കാരണമാകും.