തിളങ്ങട്ടെ നിങ്ങളുടെ ചര്‍മവും

തിളക്കത്തിന്

ഒരു കപ്പ് ഓട്‌സ്, ഗ്രീന്‍പീസ് എന്നിവ പൊടിച്ചെടുത്ത് മുട്ടയുടെ വെള്ളയും തൈരും തേനും ചേര്‍ത്ത് പേസ്റ്റാക്കിയെടുക്കുക. ഇത് നിങ്ങളുടെ മുഖത്ത് പുരട്ടാം. കരുവാളിപ്പ് ഇല്ലാതാകും.

ക്യാബേജ്

ക്യാബേജും ഒരു കഷ്ണം ക്യാരറ്റും പേസ്റ്റാക്കിയെടുക്കുക. ഇതില്‍ ഒരു കഷ്ണം കുക്കുമ്പര്‍, തക്കാളി എന്നിവയുടെ പേസ്റ്റും ചേര്‍ക്കുക. ഇതിലേക്ക് നാരങ്ങാനീര്, ഓറഞ്ച്‌നീര്, തേന്‍ എന്നിവ ചേര്‍ക്കാം. ഈ മിശ്രിതം മുഖത്ത് പുരട്ടാം.

മുട്ട

ഒരു മുട്ടയില്‍ ഒരു സ്പൂണ്‍ ഒലീവെണ്ണ ചേര്‍ത്ത് ചര്‍മത്തിലും മുടിയിലും തേച്ച് പിടിപ്പിക്കുന്നതും നല്ലതാണ്.

ഈന്തപ്പഴം

കുറച്ചുവെള്ളത്തില്‍ ഈന്തപ്പഴം, ഉണക്കമുന്തിരി എന്നിവ ഇട്ടുവച്ച് പിറ്റേ ദിവസം രാവിലെ പിഴിഞ്ഞെടുത്ത് ചാറ് കുടിക്കുന്നതും ചര്‍മത്തിന് ഗുണം നല്‍കും.

ക്യാബേജ്

ക്യാബേജ് പേസ്റ്റില്‍ ഒരു ടീസ്പൂണ്‍ തേനും അര ടീസ്പൂണ്‍ യീസ്റ്റും ചേര്‍ക്കുക. ഈ മിശ്രിതം മുഖത്ത് പുരട്ടി 20 മിനിട്ട് വയ്ക്കാം.

ഉലുവ

ഒലീവെണ്ണയില്‍ ഉലുവ അരച്ചുചേര്‍ത്ത് മുഖത്ത് പുരട്ടി ചെറിയ ചൂടുവെള്ളത്തില്‍ കഴുകിക്കളയാം. ചര്‍മം മൃദുവാകുന്നതിനോടൊപ്പം തിളക്കവും ലഭിക്കും.

തുളസി

തുളസിയില നീര് തുടര്‍ച്ചയായി മുഖത്തുപുരട്ടുന്നതും തിളക്കം സമ്മാനിക്കും.