മുഖക്കുരു മാറ്റാന്‍ നാടന്‍ പൊടിക്കൈകള്‍

മുഖക്കുരു മാറ്റാം

രണ്ട് സ്പൂണ്‍ ചെറുപയര്‍ നന്നായി അരച്ച് അതില്‍ ചെറുനാരങ്ങാനീരും ഒരു നുള്ള് ഇന്തുപ്പും ഒരു സ്പൂണ്‍ മഞ്ഞളും ചേര്‍ത്ത് പാലില്‍ യോജിപ്പിച്ച് മുഖത്ത് പുരട്ടുക. ഉണങ്ങിയാല്‍ ഇളംചൂടുവെള്ളത്തില്‍ കഴുകാം.

മുഖക്കുരു മാറ്റാം

ചെറുനാരങ്ങയുടെ തളിരിലയും മഞ്ഞളും അരച്ച് പേസ്റ്റാക്കി മുഖക്കുരുവില്‍ പുരട്ടുക. അരമണിക്കൂറിനുശേഷം മുഖം കഴുകുക.

മുഖക്കുരു മാറ്റാം

കറിവേപ്പിലയും മഞ്ഞളും ചേര്‍ത്തരച്ച് മുട്ടയുടെ വെള്ളയില്‍ ചേര്‍ത്ത് മുഖത്ത് പുരട്ടാം. അരമണിക്കൂറിനുശേഷം കടലമാവുകൊണ്ട് മുഖം നന്നായി കഴുകാം.

മുഖക്കുരു മാറ്റാം

പച്ച പപ്പായയും മഞ്ഞളും ചേര്‍ത്തരച്ച് പുരട്ടുന്നതും മുഖക്കുരു മാറ്റും.

മുഖക്കുരു മാറ്റാം

തുളസിയിലയും മഞ്ഞളും ചേര്‍ത്തരച്ച് മുഖത്ത് പുരട്ടിയാല്‍ മുഖക്കുരുമൂലം ഉണ്ടാകുന്ന കറുത്ത കലകള്‍ മാറികിട്ടും.

മുഖക്കുരു മാറ്റാം

ദിവസവും രാവിലെ ചെറിയ കഷ്ണം മഞ്ഞള്‍ അരച്ച് പാല്‍പ്പാടയില്‍ ചേര്‍ത്ത് പുരട്ടുക. ഉണങ്ങിയാല്‍ ചൂടുവെള്ളത്തില്‍ കഴുകുക.

മുഖക്കുരു മാറ്റാം

ബദാം എണ്ണ ചെറുതായി ചൂടാക്കി ഈ എണ്ണ ഉപയോഗിച്ച് മുഖം നന്നായി മസാജ് ചെയ്യുക.