ക്രിസ്മസ് രാവില്‍ മുഖത്തിന് തിളക്കം കൂട്ടാം

Published: Thursday, December 17, 2015, 15:46 [IST]

ആഘോഷ വേളകളില്‍ മുഖത്തിന് തിളക്കം കൂട്ടാന്‍ ബ്യൂട്ടി പാര്‍ലറുകളില്‍ എത്ര പണം ചിലവാക്കാനും നമ്മുടെ സുന്ദരിമാര്‍ക്ക് ഒരു മടിയുമില്ല. എന്നാല്‍ എന്തിനു വെറുതേ ബ്യൂട്ടി പാര്‍ലറില്‍ പോയി കാശു കളയണം. ക്രിസ്മസോ, ന്യൂ ഇയറോ എന്തുമാകട്ടെ വീട്ടിലിരുന്നു തന്നെ നമുക്ക് ചില സൗന്ദര്യ സംരക്ഷണ പൊടിക്കൈകള്‍ നോക്കാം. ദോഷം ചെയ്യും സണ്‍സ്‌ക്രീന്‍ തെറ്റുകള്‍

ഇത് വെറും സൗന്ദര്യ സംരക്ഷണ പൊടക്കൈകള്‍ മാത്രമല്ല, ചര്‍മ്മത്തിന്റേയും ശരീരത്തിന്റേയും ആരോഗ്യം വീണ്ടെടുക്കാനുള്ള പൊടിക്കൈകള്‍ കൂടിയാണ്. അതുകൊണ്ടു തന്നെ ഇനി മുതല്‍ ബ്യൂട്ടി പാര്‍ലറില്‍ പോയി വെറുതേ കാശുകളയേണ്ട ആവശ്യമില്ല. മടിയുള്ളവര്‍ക്കായി ചില പൊടിക്കൈകള്‍

എപ്പോഴും മറ്റുള്ളവരാല്‍ ശ്രദ്ധിക്കപ്പെടണമെന്നതാണ എല്ലാവരുടേയും ആഗ്രഹം. എന്നാല്‍ പലപ്പോഴും നമ്മുടെ മടിയോ ശ്രദ്ധയില്ലായ്മയോ എല്ലാം നമ്മുടെ ആഗ്രഹത്തെ അവിടെത്തന്നെ തളച്ചിടുന്നു. ഈ ആഘോഷവേളയില്‍ മുഖത്തിന് തിളക്കം നല്‍കാന്‍ നമുക്ക് പരീക്ഷിക്കാവുന്ന ചില പൊടിക്കൈകള്‍ ഏതൊക്കെയെന്ന് നോക്കാം.

ആല്‍മണ്ട് ഓയില്‍

വരണ്ട ചര്‍മ്മമാണെങ്കിലും സാധാരണ ചര്‍മ്മമാണെങ്കിലും ആല്‍മണ്ട് ഓയില്‍ ഉപയോഗിക്കുക. ഇതില്‍ വിറ്റാമിന്‍ എ ഇ ഡി ബി തുടങ്ങിയവ അടങ്ങിയിട്ടുണ്ട്. ഇത് ചര്‍മ്മത്തെ മോയ്‌സ്ചുറൈസ് ചെയ്ത് സംരക്ഷിക്കും.

ഒലീവ് ഓയില്‍

ഒലീവ് ഓയില്‍ മുഖത്ത് പുരട്ടി അരമണിക്കൂറിനു ശേഷം ടവ്വലോ പേപ്പറോ വെച്ച് തുടച്ചു കളയുക. ഇത് ചര്‍മ്മത്തെ തിളക്കമുള്ളതാക്കുന്നു.

നാരങ്ങാ നീരെന്ന അത്ഭുതം

സിട്രിക് ആസിഡ് ധാരാളം അടങ്ങിയിട്ടുള്ളതാണ് നാരങ്ങാ നീര്. ചര്‍മ്മസംരക്ഷണത്തില്‍ നാരങ്ങയ്ക്കുള്ള പങ്കും വളരെ വലുതാണ്. നാരങ്ങാ നീര് മുഖത്ത് പുരട്ടി അഞ്ച് മിനിട്ടിനു ശേഷം കഴുകിക്കളയുക. ഇത് ചര്‍മ്മത്തെ തിളക്കമുള്ളതാക്കുന്നു.