സവാള കൊണ്ടു വെളുക്കാം!!

ഉള്ളി നീരും റോസ് വാട്ടറും

ചര്‍മ്മത്തില്‍ ഉള്ളി നീര് തേച്ചതിന് ശേഷം മുഖം റോസ് വാട്ടര്‍ ഉപയോഗിച്ച് കഴുകുക. ഉള്ളിയുടെ നീര് ചര്‍മ്മത്തിലെ സുഷിരങ്ങള്‍ തുറക്കുകയും റോസ് വാട്ടര്‍ അവ ശുദ്ധീകരിച്ച് ചര്‍മ്മത്തിന് നിറം നല്കുകയും ചെയ്യും.

ഉള്ളീനീരും തേങ്ങാ വെള്ളവും

മുഖത്ത് ഉള്ളി നീര് കട്ടിയില്‍ തേയ്ക്കുക. 15 മിനുട്ടിന് ശേഷം മുഖം തേങ്ങാവെള്ളം ഉപയോഗിച്ച് കഴുകുക. തേങ്ങാവെള്ളം ഉള്ളിയിലെ ആസിഡ് ഘടകങ്ങളുമായി പ്രതിപ്രവര്‍‌ത്തിക്കുകയും അതുവഴി നിറം വര്‍ദ്ധിപ്പിക്കുകയും ചെയ്യും.

ഉള്ളി നീരും പാലും

തണുത്ത പാല്‍ ഉപയോഗിച്ച് മുഖം കഴുകിയ ശേഷം തുടച്ച് ഉണക്കുക. തുടര്‍ന്ന് മുഖത്ത് ഉള്ളി നീര് തേച്ച് ഉണങ്ങാന്‍ അനുവദിക്കുക. ഇത് ചര്‍മ്മത്തിലെ സുഷിരങ്ങള്‍ വൃത്തിയാക്കുകയും നിറം വര്‍ദ്ധിപ്പിക്കുകയും ചെയ്യും.

ഉള്ളി നീരും ബദാം ഓയിലും

ഉള്ളി നീര് ഉപയോഗിച്ച് ഫേഷ്യല്‍ ചെയ്ത ശേഷം ഉള്ളി പേസ്റ്റ് രൂപത്തിലാക്കിയത് കട്ടിയില്‍ തേച്ച് പിടിപ്പിക്കുക. 15 മിനുട്ടിന് ശേഷം ചൂടുള്ള വെള്ളം ഉപയോഗിച്ച് മുഖം കഴുകുക. 20 മിനുട്ട് കഴിഞ്ഞ് ബദാം ഓയില്‍ ഉപയോഗിച്ച് മുഖം മസാജ് ചെയ്യുക. ചര്‍മ്മം വരണ്ടതാണെങ്കില്‍ ഇത് നിങ്ങളുടെ ചര്‍മ്മത്തെ മൃദുലവും മിനുസമുള്ളതുമാക്കും.

ഉള്ളിനീരും സുഗന്ധലേപനങ്ങളും

ചര്‍മ്മത്തിന് ഭംഗി നല്കാന്‍ സുഗന്ധദ്രവ്യങ്ങള്‍ ഉപയോഗിക്കുക. ഒരാഴ്ചത്തേക്ക് ദിവസം രണ്ട് തവണ വീതം ഉള്ളി നീര് കൊണ്ട് മുഖം കഴുകുക. ഓരോ തവണയും മുഖം കഴുകിയ ശേഷം സുഗന്ധലേപനം ഉപയോഗിച്ച് മുഖം മസാജ് ചെയ്യുക. ലാവെണ്ടര്‍ അല്ലെങ്കില്‍ ഒലിവ് ഓയില്‍ ഉപയോഗിക്കുന്നതാണ് ഉചിതം. കാരണം ഇവ കടുപ്പം കുറഞ്ഞതും ഏത് തരം ചര്‍മ്മത്തിനും അനുയോജ്യവുമാണ്.