മുഖക്കുരുവിന്‌ ഓട്‌സ്‌ ഫേസ്‌ പായ്‌ക്ക്‌

എണ്ണമയമുള്ള ചര്‍മമുള്ളവരുടെ പ്രധാന പ്രശ്‌നമാണ്‌ മുഖക്കുരു. ഈ പ്രശ്‌നമുള്ളവര്‍ക്ക്‌ എല്ലാ തരം ക്രീമുകളും ഫേസ്‌ പായ്‌ക്കുകളും യോജിച്ചെന്നു വരില്ല. വേണ്ടപോലെ ശ്രദ്ധിച്ചില്ലെങ്കില്‍ മുഖക്കുരു അധികമാവുകയും ചെയ്യും.

മുഖക്കുരുവുള്ള ചര്‍മമുള്ളവര്‍ക്കുപയോഗിയ്‌ക്കാവുന്ന ഒരു സ്വാഭാവിക ഫേസ്‌പായ്‌ക്കാണ്‌ ഓട്‌സ്‌ ഉപയോഗിച്ചുള്ളത്‌. ഏതെല്ലാം വിധത്തില്‍ ഓട്‌സ്‌ ഫേസ്‌പായ്‌ക്കായി ഉപയോഗിയ്‌ക്കാമെന്നു നോക്കൂ,

ഓട്‌സ്‌, തേന്‍ എന്നിവയുപയോഗിച്ചു ഫേസ്‌ പായ്‌ക്കുണ്ടാക്കാം. ഇതില്‍ അല്‍പം പനിനീരും ചേര്‍ക്കാം. തേന്‍ ചര്‍മത്തിന്‌ മിനുസം നല്‍കും.

ഓട്‌സ്‌ വെള്ളത്തിലിട്ടു കുതിര്‍ത്തി മുഖത്തു പുരട്ടാം. എന്നി
ട്ട്‌ ഇതുകൊണ്ടു മുഖം സ്‌ക്രബ്‌ ചെയ്യാം.

ഓട്‌സ്‌, മഞ്ഞള്‍ എന്നിവ ചേര്‍ത്തും ഫേസ്‌ പായ്‌ക്കുണ്ടാക്കാം. മഞ്ഞള്‍ അണുനാശിനിയായതു കൊണ്ടുതന്നെ മുഖക്കുരുവിനു ചേര്‍ന്നൊരു പരിഹാരവുമാണ്‌.

ഓട്‌സ്‌, പാല്‍ എന്നിവ കലര്‍ത്തി ഫേസ്‌ പായ്‌ക്കുണ്ടാക്കി ഇടുന്നതും നല്ലതാണ്‌. ഇതിട്ട്‌ ഉണങ്ങിക്കഴിയുമ്പോള്‍ ഇളം ചൂടുവെള്ളം കൊണ്ടു കഴുകിക്കളയാം.