മുന്തിരി ഫേസ്പാക്ക് ഉണ്ടാക്കൂ..

കിവി

മുന്തിരിങ്ങയും കിവിയും ചേര്‍ത്ത് ഫേസ്പാക്ക് ഉണ്ടാക്കാം. കിവി എന്ന പഴത്തില്‍ ധാരാളം ആന്റിയോക്‌സിഡന്റ്‌സും വൈറ്റമിന്‍ സി, ഇ, കെ എന്നിവയും അടങ്ങിയിട്ടുണ്ട്. ഇതിന്റെ കറുത്ത വിത്തുകള്‍ക്കൊണ്ട് ഓയിലുകളും ഉണ്ടാക്കുന്നുണ്ട്. കിവി നിങ്ങളുടെ ചര്‍മത്തിന് മികച്ച ഫലം നല്‍കും.

മുന്തിരിങ്ങ ഫേസ്പാക്ക്

മുന്തിരിങ്ങ കട്ടിയുള്ള പേസ്റ്റാക്കിയെടുക്കുക. അതിലേക്ക് കിവി പേസ്റ്റ് വിത്തുകളോട് കൂടിത്തന്നെ അരച്ചത് ഇതിലേക്ക് ചേര്‍ക്കുക. ഇതിലേക്ക് അല്‍പം തൈരും ചേര്‍ത്ത് നന്നായി യോജിപ്പിക്കാം. ഇത് മുഖത്ത് പുരട്ടി 20 മിനിട്ട് വയ്ക്കണം. ചെറുചൂടുവെള്ളത്തില്‍ കഴുകാം.

മുന്തിരി-ആപ്പിള്‍ ഫേസ്പാക്ക്

ആപ്പിള്‍ പേസ്റ്റും മുന്തിരി പേസ്റ്റും നന്നായി യോജിപ്പിക്കുക. ഈ ഫേസ്പാക്ക് മുഖത്ത് തേച്ച് 30 മിനിട്ട് വയ്ക്കണം. മുഖം നന്നായി വൃത്തിയാകുകയും തിളക്കം കിട്ടുകയും ചെയ്യും. ദിവസവും ഈ ഫേസ്പാക്ക് ഉപയോഗിക്കാവുന്നതാണ്.

സ്‌ട്രോബെറി

മുന്തിരിങ്ങയും സ്‌ട്രോബെറിയും കൂടിച്ചേര്‍ന്നലോ.. ഇത് നിങ്ങളുടെ ചര്‍മത്തിന് മികച്ച ഗുണം നല്‍കും. സ്‌ട്രോബെറിയിലെ സാലിസൈലിക് ആസിഡ് മുന്തിരിങ്ങയിലെ ആല്‍ഫാ ഹൈഡ്രോസൈല്‍ ആസിഡും കൂടിച്ചേര്‍ന്നാല്‍ ചര്‍മത്തിലെ പ്രശ്‌നങ്ങള്‍ക്ക് ഒരുപരിധിവരെ ഉപകാരപ്രദമാകും.

മുന്തിരി-സ്‌ട്രോബെറി ഫേസ്പാക്ക്

സ്‌ട്രോബെറി ചെറിയ കഷ്ണങ്ങളാക്കിയതും മുന്തിരിങ്ങയും ചേര്‍ത്ത് കുഴമ്പ് രൂപത്തിലാക്കിയെടുക്കുക. ഇതിലേക്ക് ഒരു ടീസ്പൂണ്‍ തേനും ചേര്‍ക്കാം. നന്നായി യോജിപ്പിച്ചതിനുശേഷം മുഖത്തും കഴുത്തിലും പുരട്ടാം. 20 മിനിട്ട് കഴിഞ്ഞ് ചെറുചൂടുവെള്ളത്തില്‍ കഴുകാം.

മുന്തിരി ഫേസ്പാക്ക്

മുന്തിരിങ്ങയുടെ കൂടെ നിങ്ങല്‍ക്ക് മറ്റ് പഴങ്ങളും ചേര്‍ത്ത് ഫേസ്പാക്ക് ഉണ്ടാക്കാം. ഓറഞ്ച് ജ്യൂസും, കടലമാവും, പാലും ഉപയോഗിക്കാം.

കുരുക്കള്‍ക്ക്

മുഖകുരുക്കളാണ് നിങ്ങളുടെ പ്രശ്‌നമെങ്കില്‍ ഗോതമ്പ് പൊടിയും ബേക്കിംഗ് സോഡയും മുന്തിരിങ്ങാ പേസ്റ്റില്‍ ചേര്‍ത്ത് ഫേസ്പാക്ക് ഉണ്ടാക്കാം.

മുന്തിരിങ്ങ ഫേസ്പാക്ക്

മുന്തിരിങ്ങയും തൈരും തേനും ചേര്‍ത്ത് ഫേസ്പാക്ക് ഉണ്ടാക്കുകയാണെങ്കില്‍ മോയിചറൈസിങ് ഗുണം നിങ്ങള്‍ക്ക് ലഭിക്കും. സൂര്യപ്രകാശത്തില്‍ നിന്നും ചര്‍മത്തെ കാത്തുസൂക്ഷിക്കാം.