മുഖക്കുരു മാറ്റാന്‍ ഫേസ്പാക്കുകള്‍

മുള്‍ട്ടാണി മിട്ടി ഫേസ്പാക്ക്

എണ്ണമയമുള്ള ചര്‍മ്മകാര്‍ക്കുണ്ടാകുന്ന പ്രശ്‌നങ്ങള്‍ക്ക് പരിഹാരമാകാന്‍ മുള്‍ട്ടാണി മിട്ടി ഫേസ്പാക്കിന് സാധിക്കും. മുള്‍ട്ടാണി മിട്ടി പൗഡറും, റോസ് വാട്ടറും, ചെറുനാരങ്ങയും ചേര്‍ത്ത് ഉണ്ടാക്കാം.

കടലമാവ്-തൈര് ഫേസ്പാക്ക്

രണ്ട് സ്പൂണ്‍ കടലമാവും തൈരും ചേര്‍ത്ത് കട്ടിയുള്ള പേസ്റ്റാക്കിയാല്‍ മുഖക്കുരുവിനുള്ള മികച്ച ഫേസ്പാക്കാകും.

പുതിനയില ഫേസ്പാക്ക്

പുതിനയില പേസ്റ്റാക്കിയെടുക്കുക. അതിലേക്ക് തേനും ചേര്‍ത്ത് മുഖക്കുരുവില്‍ പുരട്ടാം.

ചെറുനാരങ്ങ-തേന്‍ ഫേസ്പാക്ക്

ചെറുനാരങ്ങാനീരില്‍ ഒരു സ്പൂണ്‍ തേന്‍ ചേര്‍ക്കുക. അതിലേക്ക് അല്‍പം റോസ് വാട്ടറും ചേര്‍ക്കാം. ഈ ഫേസ്പാക്ക് തേച്ചതിനുശേഷം കുറച്ചുസമയം റിലാക്‌സ് ചെയ്യുക.

കുക്കുമ്പര്‍ ഫേസ്പാക്ക്

കുക്കുമ്പര്‍ ശരീരത്തില്‍ നിന്നും ചൂടു പുറംതള്ളാന്‍ സഹായിക്കും. ഇത് മുഖക്കുരുവിന് ഗുണം ചെയ്യും. കുക്കുമ്പര്‍ അരച്ച് കുഴമ്പ് രൂപത്തിലാക്കി ഫ്രിഡ്ജില്‍ വയ്ക്കുക. തണുത്തുകഴിഞ്ഞാല്‍ നിങ്ങളുടെ മുഖക്കുരുവില്‍ ഇത് പുരട്ടാം.

ആര്യവേപ്പ് ഫേസ്പാക്ക്

ആര്യവേപ്പില റോസ് വാട്ടറോ, ചെറുനാരങ്ങയോ ചേര്‍ത്തരച്ച് പേസ്റ്റാക്കുക. ഇത് നിങ്ങളുടെ കുരുക്കളില്‍ പുരട്ടാം. 15 മിനിട്ട് കഴിഞ്ഞ് ചെറുചൂടുവെള്ളത്തില്‍ കഴുകാം.

തേന്‍ ഫേസ്പാക്ക്

തേന്‍ മുഖക്കുരു കളയാന്‍ സഹായിക്കുന്ന മികച്ച വഴിയാണ്. കുറച്ച് ശുദ്ധമായ തേനെടുത്ത് മുഖക്കുരുവില്‍ പുരട്ടുക. 15 മിനിട്ട് കഴിഞ്ഞ് കഴുകാം.

അസ്പിരിന്‍ ഫേസ്പാക്ക്

അസ്പിരിന്‍ ഗുളികയെക്കുറിച്ച് കേട്ടിട്ടില്ലേ. ഇതും നിങ്ങളുടെ മുഖക്കുരു കളയാന്‍ സഹായിക്കും. ഒന്നോ രണ്ടോ അസ്പിരിന്‍ ഗുളിക വെള്ളത്തിലിട്ട് പേസ്റ്റാക്കിയെടുക്കുക. ഇത് മുഖത്ത് പുരട്ടാം, 15 മിനിട്ട് കഴിഞ്ഞ് കഴുകാം.