സൗന്ദര്യത്തിന് ചില ഭീഷണികള്‍!!

1. അള്‍ട്രാ വയലറ്റ് രശ്മികള്‍

ചര്‍മ്മത്തില്‍ ക്യാന്‍സറുണ്ടാകുന്നതിനുള്ള ഒരു പ്രധാന കാരണം അള്‍ട്രാവയലറ്റ് രശ്മികളാണ്. ഇതിന് പുറമേ സണ്‍ബേണ്‍, അകാല വാര്‍ദ്ധക്യം എന്നിവയ്ക്കും ഇത് കാരണമാകും. ഇക്കാരണങ്ങളാല്‍ സൂര്യപ്രകാശം എല്‍ക്കുന്ന സ്ഥലങ്ങളിലേക്ക് പോകുമ്പോള്‍ സണ്‍സ്ക്രീന്‍ ഉപയോഗിക്കുക.

2. മലിനീകരണം

അന്തരീക്ഷ മാലിന്യങ്ങള്‍ ചര്‍മ്മത്തെ ദോഷകരമായി ബാധിക്കുകയും നിങ്ങളുടെ സൗന്ദര്യം അകറ്റുകയും ചെയ്യും. യാത്ര ചെയ്യുമ്പോള്‍ മുഖം മൂടുന്നത് മുഖത്ത് അഴുക്ക് അടിഞ്ഞുകൂടുന്നത് തടയുകയും ചര്‍മ്മത്തിലുണ്ടാകുന്ന പ്രശ്നങ്ങള്‍ തടയുകയും ചെയ്യും.

3. പുകവലി

പുറമേ നിന്നുള്ള പുക ശ്വസിക്കുന്നതും, പതിവായി പുകവലിക്കുന്നതും ചര്‍മ്മത്തിലേക്ക് ന്യൂട്രിയന്‍റുകള്‍ കൊണ്ടുപോകുന്ന രക്തക്കുഴലുകള്‍ക്ക് തകരാറുണ്ടാക്കും. ഇത് മുടി നരയ്ക്കാനും ചര്‍മ്മത്തില്‍ ചുളിവുകള്‍ വീഴാനുമിടയാക്കും.

4. വ്യായാമം

പതിവായി വ്യായാമങ്ങള്‍ ചെയ്യുന്നത് നിങ്ങളുടെ ആരോഗ്യം നിലനിര്‍ത്തും. കൂടാതെ സൗന്ദര്യം വര്‍ദ്ധിപ്പിക്കുകയും ചര്‍മ്മത്തിന് തിളക്കം നല്കുകയും ചെയ്യും. വ്യായാമത്തിനിടെയുണ്ടാകുന്ന വിയര്‍പ്പ് ചര്‍മ്മത്തിന് ശോഭയും യുവത്വവും നല്കും.

5. ആരോഗ്യമില്ലാത്ത തലമുടി

തലയില്‍ താരനുണ്ടെങ്കില്‍ ഇതിന്‍റെ പൊടി മുഖത്ത് വീഴാനും മുഖക്കുരു ഉണ്ടാകാനും കാരണമാകും. മുഖത്തേക്ക് തലമുടി വീഴാനനുവദിക്കരുത്. തലമുടി താരനില്ലാതെ സംരക്ഷിക്കുകയും ചെയ്യുക.

6. ജലാംശം

ദിവസം എട്ട് ഗ്ലാസ്സ് വെള്ളമെങ്കിലും കുടിക്കുന്നത് ചര്‍മ്മത്തില്‍ ജലാംശം നിലനിര്‍ത്തുകയും നിങ്ങള്‍ക്ക് പ്രായക്കുറവ് തോന്നിപ്പിക്കുകയും ചെയ്യും. വെള്ളം ആവശ്യത്തിന് ലഭിക്കാതെ വന്നാല്‍ ചര്‍മ്മത്തില്‍ ചുളിവുകളുണ്ടാവാനിടയാകും. അതിനാല്‍ ധാരാളം വെള്ളം കുടിക്കുന്നത് ശീലമാക്കുക.