മഞ്ഞുകാലം പെണ്ണിന്റെ ഭംഗി കളഞ്ഞുവോ??

കൈകള്‍ മൃദുലമായി സംരക്ഷിക്കുക

ഏതെങ്കിലും മോയ്സ്ചറൈസര്‍ ഉപയോഗിക്കുക മാത്രമല്ല സാധ്യമായ മാര്‍ഗ്ഗം. കൈ നല്ല മാര്‍ദ്ദവമുള്ളതാകുന്നതിന് ജൊജോബ ഓയില്‍ അല്ലെങ്കില്‍ ഷീബട്ടര്‍ ഉപയോഗിക്കാം. വെള്ളവുമായുള്ള സമ്പര്‍ക്കം കഴിയുമ്പോള്‍ നിങ്ങളുടെ കൈകള്‍ വിളറിയിരിക്കും. മുകളില്‍ പറഞ്ഞവ ചര്‍മ്മത്തെ നവീകരിക്കാന്‍ കഴിവുള്ളതാണ്.

ഓയില്‍ ബേസ്ഡ് മോയ്സ്ചറൈസറുകള്‍

ശൈത്യകാലത്ത് ഓയില്‍ ബേസ്ഡ് മോയ്സ്ചറൈസറുകള്‍ വാട്ടര്‍ബേസ്ഡ് മോയ്സ്ചറൈസറുകളേക്കാള്‍ കൂടുതലായി ഉപയോഗിക്കണം. അത്തരം മോയ്സ്ചറൈസറുകള്‍ മുഖത്തെ എണ്ണമയം വീണ്ടെടുക്കാനും തിളക്കം നല്കാനും സഹായിക്കും. മെയ്ക്കപ്പിന് മുമ്പ് ഓയില്‍-ബേസ്ഡ് ഫൗണ്ടേഷനും ഉപയോഗിക്കാം.

ബോഡി ഓയിലുകള്‍

ബോഡി ഓയിലുകളും ലോഷനുകളും ഉപയോഗിക്കുക. വീട്ടിനുള്ളിലായാലും പുറത്തേക്ക് പോവുകയായാലും ഇത്തരം ഉത്പന്നങ്ങള്‍ ഉപയോഗിക്കാനും കയ്യിലെടുക്കാനും മറക്കരുത്.

ചുണ്ടിന്‍റെ പരിചരണം

ജൊജോബ ഓയില്‍, കൊക്കോ ബട്ടര്‍, ആവണക്കെണ്ണ തുടങ്ങിയ മോയ്സ്ചറൈസിങ്ങ് ഘടകങ്ങളുള്ള, നല്ല നിറമുള്ള ലിപ് കളറുകള്‍ ഉപയോഗിക്കുക. ചുവന്ന ചുണ്ടുകള്‍ സ്ത്രീകളുടെ ഇഷ്ടപ്പെട്ട കാര്യമാണ്.

കണ്ണുകളുടെ സംരക്ഷണം

ബ്രൗണ്‍, വൈന്‍ റെഡ് പോലുള്ള നിറങ്ങളുള്ള ഐ ഷാഡോകള്‍‌ ഉപയോഗിക്കുക. പാര്‍ട്ടികള്‍ക്കും മറ്റും പോകുമ്പോള്‍ തിളക്കമുള്ളവ പരീക്ഷിക്കാം.

ബ്ലഷര്‍

മുഖത്തിന്‍റെ ഏതെങ്കിലും ഭാഗം എടുത്തു കാണിക്കുന്നുവെങ്കില്‍(കണ്ണ്, ചുണ്ട് തുടങ്ങിയവ) അവിടം നഗ്നമായി നിലനിര്‍ത്തുക. അല്ലെങ്കില്‍ ബ്ലഷര്‍ ഉപയോഗിച്ച് അല്പം നിറം മുഖത്ത് തേയ്ക്കുക.

തലമുടി

താരന്‍ കൂടുതലായി അനുഭവപ്പെടുന്ന ശൈത്യകാലത്ത് മുടിയുടെ കാര്യത്തില്‍ നന്നായി ശ്രദ്ധിക്കുക. മുടിയുടെ പിളര്‍പ്പും, താരനും ഒഴിവാക്കാന്‍ പതിവായി എണ്ണ തേയ്ക്കുക. ഷാംപൂ ഉപയോഗിച്ച ശേഷം നല്ലൊരു കണ്ടീഷണറും ഉപയോഗിക്കുക.

മതിയായ ഉറക്കം

രാത്രി വൈകി പാര്‍ട്ടികളും മറ്റും ഉണ്ടാവാം. എന്നാല്‍ രാത്രി ഉറങ്ങാന്‍ ഏറെ വൈകുന്നത് കണ്ണിന് ചുറ്റും ഇരുണ്ട നിറം വരാന്‍ കാരണമാകും. ഇത് ക്ഷീണിതനായി കാണപ്പെടാന്‍ ഇടയാക്കും. ദിവസം എട്ടു മണിക്കൂര്‍ ഉറങ്ങുന്നത് വളരെ പ്രധാനമാണ്.

ആരോഗ്യകരമായ ഭക്ഷണം

വിറ്റാമിന്‍ എ, ഇ, ഡി എന്നിവ ആഹാരത്തില്‍ കൂടുതലായി ഉള്‍പ്പെടുത്തുക. മിനറലുകളും ആഹാരത്തില്‍ ധാരാളമായി ഉള്‍പ്പെടുത്തണം.