ആപ്പിള്‍ക്കുരു ഓയില്‍ ചര്‍മത്തിന്..

By Sruthi K M

Published: Thursday, May 14, 2015, 15:48 [IST]

ആപ്പിള്‍ക്കുരു കൊണ്ടുണ്ടാക്കുന്ന ഓയില്‍ പലരും പാചകത്തിന് ഉപയോഗിക്കാറുണ്ട്. എന്നാല്‍ ചര്‍മ സൗന്ദര്യത്തിന് ഈ ഓയില്‍ മികച്ച ഗുണം നല്‍കുമെന്ന് അധികമാര്‍ക്കും അറിയാന്‍ വഴിയില്ല. നിങ്ങളുടെ ചര്‍മം മിനുസമുള്ളതാകണം എങ്കില്‍ ഈ എണ്ണ നിങ്ങള്‍ക്ക് ഉപയോഗിച്ചു തുടങ്ങാം. ഈ ഓയില്‍ ബ്ലീച്ചിങ് ക്രീമുകളിലൊക്കെ ചേര്‍ക്കുന്നതാണ്.

സില്‍വര്‍ ഫേഷ്യല്‍ ചെയ്താല്‍..

ജനിച്ച കുഞ്ഞുങ്ങള്‍ക്ക് ഈ എണ്ണ പുരട്ടി മസാജ് ചെയ്യുന്നത് നല്ലതാണെന്നാണ് പറയുന്നത്. മുഖക്കുരുവിനോട് പൊരുതാനും ആപ്പിള്‍ക്കുരു ഓയിലിന് കഴിവുണ്ട്. എയിജിങ് പ്രശ്‌നങ്ങളും, സ്‌ട്രെച്ച് മാര്‍ക്കുകളും ഇല്ലാതാക്കാനും ഇവ സഹായിക്കും. ഇതിലടങ്ങിയിരിക്കുന്ന ഫാറ്റി ആസിഡ് ചര്‍മത്തിന് പല ഗുണങ്ങളും തരും.

ഫാറ്റി ആസിഡ്

ആപ്പിള്‍ക്കുരു ഓയിലില്‍ ധാരാളം ഫാറ്റി ആസിഡ് അടങ്ങിയിട്ടുണ്ട്. ഇത് ചര്‍മത്തെ മൃദുലമാക്കിവയ്ക്കാന്‍ സഹായിക്കും.

കൊലാജന്‍

ഈ അത്ഭുതകരമായ എണ്ണ ത്വക്കില്‍ കൊലാജന്‍ സിന്തസിസ് ഉത്തേജിപ്പിക്കുന്നു. കൊലാജന്‍ ഒരു മികച്ച പ്രോട്ടീനാണ്. ഇത് ചര്‍മ കോശങ്ങളെ യുവത്വം തുളുമ്പുന്നതാക്കി മാറ്റും. ചര്‍മ കോശങ്ങള്‍ക്കുണ്ടാകുന്ന ക്ഷീണം ഇതുമൂലം പരിഹരിക്കാം