വേപ്പിലയുണ്ടല്ലോ പിന്നെന്തിനു ടെന്‍ഷന്‍..

തിളങ്ങുന്ന ചര്‍മത്തിന്

ആര്യവേപ്പില വെള്ളത്തിലിട്ട് തിളപ്പിച്ച് അരച്ചെടുക്കുക. ഇത് മുഖത്ത് പുരട്ടിയാല്‍ ചര്‍മത്തിന് തിളക്കം ലഭിക്കും.

മുഖക്കുരുവിന്

ചെറുനാരങ്ങാനീര്, പനിനീര്‍, വേപ്പില എന്നിവ ചേര്‍ത്ത് അരച്ച് മുഖക്കുരുവില്‍ പുരട്ടാം.

എണ്ണമയമുള്ള ചര്‍മത്തിന്

ആര്യവേപ്പില അരച്ച് അതില്‍ ചെറുനാരങ്ങാനീര് ഒഴിച്ച് മുഖത്തിടാം. എണ്ണമയമുള്ള ചര്‍മത്തിന് പറ്റിയ ഫേസ്പാക്കാണ്. മുഖക്കുരുവിന്റെ പാടുകള്‍ മാറാനും ഇത് ഉപകരിക്കും.

വരണ്ട ചര്‍മത്തിന്

കടലമാവ്, തൈര്, ആര്യവേപ്പ് പൊടി എന്നിവ ചേര്‍ത്ത് മുഖത്തിടുന്നതും നല്ലതാണ്.

മുഖത്തിന് നല്ല നിറം

ആര്യവേപ്പിലയും മഞ്ഞളും അരച്ച് മുഖത്തിടുന്നത് നല്ല നിറം ലഭിക്കാന്‍ സഹായിക്കും.

ചര്‍മത്തിന് മൃദുലത

ആര്യവേപ്പും പാലും ചെറുനാരങ്ങാനീരും ചേര്‍ത്ത് മുഖത്തിടുന്നത് ചര്‍മത്തിന് മൃദുത്വം നല്‍കും. ചര്‍മം വൃത്തിയായിട്ടിരിക്കാനും സഹായിക്കും.

വരണ്ട ചര്‍മത്തിന്

ആര്യവേപ്പ്, തുളസി, തേന്‍ എന്നിവ ചേര്‍ത്ത് ഫേസ് പാക്കുണ്ടാക്കാം. മുഖക്കുരു മാറ്റാനും വരണ്ട ചര്‍മം ഇല്ലാതാക്കാനും ഉപകാരമാവും.