ചായയും സൗന്ദര്യവും തമ്മില്‍ എന്തു ബന്ധം?

ത്വക്കിലെ ക്യാന്‍സറിന് പരിഹാരം നല്‍കും

ഗ്രീന്‍ ടീ മാത്രമല്ല, ചായയും തക്കിലുണ്ടാകുന്ന പല പ്രശ്‌നങ്ങളേയും പരിഹരിക്കുകയും ക്യാന്‍സറിനെ പ്രതിരോധിക്കുകയും ചെയ്യുന്നു. അതുകൊണ്ടു തന്നെ ചായ കുടി അല്‍പം കൂടുതല്‍ കൂട്ടിയാലും ഒരു കുഴപ്പവുമില്ലെന്നാണ് സൗന്ദര്യ സംരക്ഷണവിദഗ്ധര്‍ പറയുന്നത്.

ചര്‍മ്മത്തിന്റെ മൃദുത്വം കാത്തു സൂക്ഷിക്കും

ചര്‍മ്മത്തിലെ മൃതകോശങ്ങളെ ഇല്ലാതാക്കി ചര്‍മ്മത്തിലെ മൃദുത്വം കാത്തു സൂക്ഷിക്കും എന്നതാണ് ഏറ്റവും വലിയ കാര്യം. ചായ ശരീരത്തില്‍ ഒരു മോയ്‌സ്ചുറൈസര്‍ ആയി പ്രവര്‍ത്തിക്കുമെന്നാണ് വിദഗ്ധ അഭിപ്രായം.

കണ്ണിന്റെ തിളക്കം വര്‍ദ്ധിപ്പിക്കുന്നു

രാത്രിയിലെ ഉറക്കമില്ലായ്മ നമ്മുടെ കണ്ണ് നോക്കിയാല്‍ തന്നെ നമുക്ക് മനസ്സിലാവും. അതുകൊണ്ടു തന്നെ ടീ ബാഗ് കണ്ണിനു മുകളില്‍ വെയ്ക്കുന്നത് എന്തുകൊണ്ടും നല്ലതാണ്.ഇത് കണ്ണിനു താഴെയുള്ള കറുത്ത പാടുകളെ ഇല്ലാതാക്കി കണ്ണിന് തിളക്കം നല്‍കുന്നു.

മുഖക്കുരുവില്‍ നിന്ന് സംരക്ഷിക്കുന്നു

മുഖക്കുരു വരാതെ ചായ മുഖത്തെ സംരക്ഷിക്കുന്നു എന്ന് പറഞ്ഞാല്‍ വിശ്വസിക്കാന്‍ അല്‍പം പ്രയാസമാവും അല്ലെ. കാരണം ചായ കുടിയ്ക്കുന്ന എല്ലാവര്‍ക്കും എന്നാല്‍ മുഖക്കുരു തന്നെ ഉണ്ടാവരുതല്ലോ എന്നതാണ് ന്യായമായ സംശയം.എന്നാല്‍ കട്ടന്‍ചായ സ്ഥിരമായി കുടിയ്ക്കുന്നത് മുഖക്കുരുവില്‍ നിന്ന് മോചനം നല്‍കും എന്നാണ് പറയുന്നത്.

അള്‍ട്രാവയലറ്റ് രശ്മികളില്‍ നിന്നും മോചനം

അള്‍ട്രാവയലറ്റ് രശ്മികളില്‍ നിന്നും നമ്മുടെ ചര്‍മ്മത്തെ സംരക്ഷിക്കുന്നത് ചായയാണെന്നതാണ് മറ്റൊരു രഹസ്യം. ഇതില്‍ ഗ്രീന്‍ ടീയും ഉള്‍പ്പെടും. പ്രത്യേകിച്ച് ഗ്രീന്‍ ടീ ശരീരത്തില്‍ തേച്ച് പിടിപ്പിച്ചാല്‍ മതി. ഇത് സൂര്യന്റെ കടുത്ത രശ്മികളില്‍ നിന്ന് നമ്മെ സംരക്ഷിക്കും.

മുടിയുടെ നിറം വര്‍ദ്ധിപ്പിക്കും

മുടിയുടെ നിറം വര്‍ദ്ധിപ്പിക്കുന്നതില്‍ ചായയുടെ പങ്ക് വളരെ വലുതാണ്. ചായയില്‍ അടങ്ങിയിട്ടുള്ള ആസിഡ് മുടി തിളക്കമുള്ളതാക്കി മാറ്റുന്നു. അതുകൊണ്ടു തന്നെയാണ് പലരും ഹെന്ന ചെയ്യുമ്പോള്‍ ചായയില്‍ മിക്‌സ് ചെയ്ത് തേയ്ക്കുന്നത്.