മുട്ട കൊണ്ടു ചില പൊടിക്കൈകള്‍

മുഖക്കുരു ഇല്ലാതാക്കാന്‍

മുഖക്കുരു ഇല്ലാതാക്കാന്‍ മുട്ട കൊണ്ട് ചില വിദ്യകളുണ്ട്. ഒരു മുട്ടയുടെ വെള്ളയും നാരങ്ങാ നീരും മിക്‌സ് ചെയ്ത് അതില്‍ അല്‍പം തേന്‍ ചേര്‍ക്കുക. ഇത് മുഖത്ത് തേച്ച് പിടിപ്പിട്ട് 15 മിനിട്ടിനു ശേഷം കഴുകിക്കളഞ്ഞാല്‍ മുഖക്കുരു മാറും.

മുഖത്തിന് മൃദുത്വം നല്‍കാന്‍

മുഖത്തിന് മൃദുത്വം നല്‍കാന്‍ മുട്ടയുടെ മഞ്ഞക്കരു ഒരു ടീസ്പൂണ്‍ തേനും ഒരു ടീസ്പൂണ്‍ ബദാം എണ്ണയില്‍ മിക്‌സ് ചെയ്ത് മുഖത്ത് തേച്ച പിടിപ്പിക്കുക. ചൂടുവെള്ളത്തില്‍ മുഖം കഴുകിയാല്‍ മുഖം മൃദുലമാകും.

ചര്‍മ്മം സുന്ദരമാകാന്‍

മുട്ടയുടെ വെള്ളക്കരുവിലേക്ക് ഒട്‌സും തേനും മിക്‌സ് ചെയ്ത് കുഴമ്പു രൂപത്തിലാക്കിയ ശേഷം മുഖത്തു തേച്ചു പിടിപ്പിക്കുക. ഇത് ചര്‍മ്മത്തിന് മൃദുത്വവും തിളക്കവും നല്‍കും.

ചര്‍മ്മ സംരക്ഷണത്തിന്

ഒരു മുട്ടയുടെ വെള്ളയോ മഞ്ഞക്കരുവോ തൈരില്‍ മിക്‌സ് ചെയ്ത് മുഖത്ത് തേച്ചു പിടിപ്പിക്കുക. ഇത് ചര്‍മ്മത്തിന് തിളക്കം നല്‍കുന്നതോടൊപ്പം ചര്‍മ്മത്തിന്റെ ഇലാസ്തികതയും വര്‍ദ്ധിപ്പിക്കും.

എണ്ണമയമുള്ള ചര്‍മ്മത്തിന്

എണ്ണമയമുള്ള ചര്‍മ്മത്തിന് മുട്ടയും പാലും മിക്‌സ് ചെയ്ത് മുഖത്തു പുരട്ടുക. അല്‍പസമയത്തിനു ശേഷം കഴുകിക്കളഞ്ഞാല്‍ എണ്ണമയമുള്ള ചര്‍മ്മത്തിന് ആശ്വാസമായിരിക്കും.