മുഖക്കുരു പൊട്ടിയ്ക്കരുത്, കാരണം?

മുഖക്കുരു ടീനേജിന്റെ പ്രധാന സൗന്ദര്യ പ്രശ്‌നമാണ്. സാധാരണ എണ്ണമയമുള്ള ചര്‍മമാണ് മുഖക്കുരു കാരണമെന്നു പറയാറുണ്ട്. ഇത്തരം ചര്‍മത്തിലെ ചര്‍മസുഷിരങ്ങള്‍ പൊടിയും എണ്ണയും നിറഞ്ഞ് അടയുന്നതാണ് ഇതിന് കാരണമായി പറയാറുള്ളതും.

മുഖക്കുരു വന്നാല്‍ ഇതില്‍ തെരുപ്പിടിയ്ക്കാനുള്ള പ്രവണത എല്ലാവര്‍ക്കുമുണ്ടാകും. ഇത് നഖം കൊണ്ട് കുത്തിപ്പൊട്ടിയ്ക്കുന്നതായിരിയ്ക്കും ചിലരുടെ ശീലം. ഇത്തരം ശീലം തീരെ നല്ലതല്ല.

അണുബാധ കാരണമാണ് മുഖക്കുരുവുണ്ടാകുന്നത്. മുഖക്കുരു പൊട്ടിയ്ക്കുന്നതു വഴി ഇത്തരം അണുബാധ മറ്റു കോശങ്ങളിലേയ്ക്കു കൂടി വ്യാപിയ്ക്കുവാന്‍ ഇടയാകും.

മുഖക്കുരു പൊട്ടിയ്ക്കുമ്പോള്‍ ബാക്ടീരിയ പുറത്തു വരും. ഇത് പുതിയ മുഖക്കുരുവിന് വഴി വയ്ക്കും.

മുഖക്കുരു പൊട്ടിച്ചാല്‍ ഈ പാട് മുഖത്തവശേഷിയ്ക്കും. ഇത് മുഖഭംഗി നഷ്ടപ്പെടുത്തും.

ചിലപ്പോള്‍ മുഖക്കുരു പൊട്ടിയ്ക്കുന്നത് മുഖത്ത് ഈ സ്ഥാനത്ത് വടുക്കള്‍ വരാനും കാരണമാകാറുണ്ട്. ഇത്തരം വടുക്കള്‍ എത്ര മേയ്ക്കപ്പിട്ടാലും എടുത്തു കാണിയ്ക്കും.