നീന്തുമ്പോള്‍ ചര്‍മം കറുക്കുന്നുവോ?

Published: Wednesday, April 9, 2014, 14:46 [IST]

നല്ലൊരു വ്യായാമമാണ് നീന്തുന്നതെന്ന കാര്യത്തില്‍ സംശയം വേണ്ട. ശരീരത്തിന്റെ എല്ലാ ഭാഗത്തിനും ഗുണം ചെയ്യുന്ന ഒരു പ്രധാന വ്യായാമമെന്നു പറയാം. തടി കുറയ്ക്കാന്‍, ഹൃദയപ്രശ്‌നങ്ങള്‍ ഒഴിവാക്കാന്‍, ശരീരാകൃതി ലഭിയ്ക്കാന്‍.... എന്നിങ്ങനെ പോകുന്നു നീന്തുന്നതു കൊണ്ടുള്ള ഗുണങ്ങള്‍.

നീന്തുന്നത് ചര്‍മത്തിന് നല്ലതോ ചീത്തയോ എന്ന കാര്യത്തില്‍ പലര്‍ക്കും സംശയുമുണ്ടാകും. പ്രത്യേകിച്ച് സ്വമ്മിംഗ് പൂളില്‍ നീന്തുന്നത് ടാന്‍ വരുത്തുമെന്നും പൊതുവെ പറയുന്നു.

നീന്തുന്നത് മിക്കവാറും പേര്‍ക്ക് ടാന്‍ വരുത്തുമെന്ന കാര്യത്തില്‍ സംശയം വേണ്ട്. ഇതിന് ചില കാരണങ്ങളുമുണ്ട്. ചിലതിനെങ്കിലും പരിഹാരങ്ങളുമുണ്ട്.

നീന്തല്‍കുളങ്ങള്‍

മിക്കവാറും നീന്തല്‍കുളങ്ങള്‍ തുറസായതായിരിയ്ക്കും. ഇതുകൊണ്ടുതന്നെ സൂര്യപ്രകാശം നേരിട്ടടിയ്ക്കുകയും ചെയ്യും. ഇത് ടാന്‍ വരുത്തും. നല്ലൊരു സണ്‍സ്‌ക്രീന്‍ ഉപയോഗിയ്ക്കുകയെന്നതാണ് പ്രതിവിധി.

ക്ലോറിന്‍

സ്വിമ്മിംഗ് പൂളില്‍ നല്ല തോതില്‍ ക്ലോറിന്‍ ഉപയോഗിയ്ക്കും. വെള്ളം വൃത്തിയാക്കുന്നതിനാണ് ഇതു ചെയ്യുന്നതെങ്കിലും ഇത് ചര്‍മത്തില്‍ ടാന്‍ വരുവാന്‍ ഇടയാക്കും. ഇതിന്റെ അളവ് കുറയ്ക്കുകോ പ്രകൃതിദത്തമായ കുളങ്ങളില്‍ നീന്തുന്നതോ ആണ് പ്രതിവിധി.