Click it and Unblock the Notifications
Latest Updates
-
ജിമ്മിൽ പോകേണ്ട, കഠിനമായ വർക്കൗട്ടുകളുമില്ല! 54-ാം വയസ്സിൽ മാധവന്റെ ഈ കിടിലൻ ലുക്കിന് പിന്നിലെ അത്ഭുത രഹസ്യം ഇതാണ് -
സൂര്യൻ രോഹിണി നക്ഷത്രത്തിലേക്ക്: കടുത്ത ചൂടിൽ നിന്ന് രക്ഷനേടാൻ ഈ വഴികൾ അറിയാമോ? -
2026 ജൂൺ 2-ന് വ്യാഴം കർക്കടകത്തിലേക്ക്: ജീവിതം മാറ്റിമറിക്കുന്ന അപൂർവ്വ രാജയോഗം, ഈ രാശിക്കാർക്ക് വൻ നേട്ടം! -
ജൂൺ 1 രാജയോഗം: 3 രാശിക്ക് ധനമഴ, ഇന്നത്തെ ശുഭമുഹൂർത്തം അറിഞ്ഞാൽ ജീവിതം മാറും! -
ജൂൺ 1 മുതൽ ഭാഗ്യം തെളിയുന്ന രാശിക്കാർ ഇവർ: കരിയറിലും സാമ്പത്തിക കാര്യങ്ങളിലും വൻ മാറ്റങ്ങൾ ഉറപ്പ്! -
ഭാഗ്യദിനം വന്നെത്തി: ചന്ദ്രന്റെ തൃക്കേട്ട പ്രവേശം ഈ നക്ഷത്രക്കാർക്ക് നൽകുന്നത് വൻ സാമ്പത്തിക നേട്ടങ്ങൾ, അറിയേണ്ടതെല്ലാം! -
ഇന്നത്തെ രാശിഫലം: 12 രാശിക്കാർക്കും ഗ്രഹനിലയിൽ വമ്പൻ മാറ്റങ്ങൾ, ഈ കാര്യങ്ങൾ ശ്രദ്ധിച്ചാൽ വിജയം ഉറപ്പ് -
വേനൽച്ചൂടിൽ തളരേണ്ട; വീട്ടിലിരുന്ന് 15 മിനിറ്റിൽ വയറിലെ കൊഴുപ്പ് കളയാൻ ഈ സൂത്രവിദ്യ പരീക്ഷിക്കൂ! -
അധിക ജ്യേഷ്ഠ പൂർണിമ: ഗജകേസരി യോഗം നൽകുന്ന അപ്രതീക്ഷിത ഭാഗ്യങ്ങൾ നിങ്ങളെ തേടിയെത്തുമോ? -
സെലിബ്രിറ്റികളുടെ പെട്ടെന്നുള്ള മാറ്റത്തിന് പിന്നിൽ മരുന്നോ? ഓസെംപിക് കുത്തിവയ്പ്പുകൾ വരുത്തുന്ന അപകടങ്ങൾ ഇതാണ്
ചര്മത്തിലെ മുറിപ്പാടുകള് അകറ്റാം
എല്ലാ മുറിപ്പാടുകള്ക്കും ഓരോ കഥ പറയാനുണ്ടാകും. പക്ഷെ അത് ഓര്മ്മിക്കാന് പോലും അധികമാരും ഇഷ്ടപ്പെടില്ല. അപകടങ്ങള്, അണുബാധ, ശസ്ത്രക്രിയ, പരുക്കുകള് എന്നിവ മൂലം പാടുകളുണ്ടാകാം. ശരീരത്തിലുള്ള പാടുകള് നിങ്ങളുടെ സൗന്ദര്യം തല്ലിക്കെടുത്തും. അതുകൊണ്ട് അവ മറയ്ക്കാന് ശ്രമിക്കുന്നത് സ്വാഭാവികമാണ്. പാടുകളുള്ള ചര്മ്മം മിനുസമില്ലാത്തതും വിവിധ ഭാഗങ്ങളാക്കിയതുമാണെന്ന തോന്നല് ഉണ്ടാക്കും. ഇവ കാരണം ചര്മ്മത്തിന്റെ നിറം വ്യത്യാസപ്പെടുകയും ചെയ്യാം. മുഖത്തോ മറ്റോ മുറിപ്പാടുകള് ഉള്ളവര്ക്ക് ആളുകളെ അഭിമുഖീകരിക്കാനും വിഷമമായിരിക്കും. അത് അവരുടെ ആത്മവിശ്വാസത്തെ തകര്ക്കുകയും അപകര്ഷതാബോധം ഉണര്ത്തുകയും ചെയ്യും. ഒരു വ്യക്തിയെ മാനസികമായി തകര്ക്കാന് പാടുകള്ക്ക് കഴിയും.
പാടുകള് എങ്ങനെ മാറ്റാമെന്നതിനെ കുറിച്ചാണ് ഇവിടെ വിവരിക്കുന്നത്. ലേസര് ചികിത്സ, ശസ്ത്രക്രിയ മുതലായവ പാടുകള് മാറ്റാന് സഹായിക്കുന്ന ചില ചികിത്സകളാണ്. സമാനമായി ചില പ്രകൃതിദത്ത മാര്ഗ്ഗങ്ങളിലൂടെയും പാടുകളുടെ തെളിമ കുറയ്ക്കാം. ഈ രണ്ട് രീതികളും മുറിപ്പാടുകളുടെ ചികിത്സയില് ഫലപ്രദമാണ്. പാടുകളുടെ വലുപ്പം, അത് നീക്കേണ്ടതിന്റെ പ്രാധാന്യം എന്നിവയ്ക്ക് അനുസരിച്ചാണ് ഇതില് ഏത് രീതി തിരഞ്ഞെടുക്കണമെന്ന് തീരുമാനിക്കുന്നത്. കത്തി കൊണ്ട് ഉണ്ടാകുന്ന മുറിപ്പാടുകള് ചികിത്സിക്കുന്നതിനെക്കാള് ശ്രദ്ധ ആവശ്യമാണ്, പൊള്ളല് മൂലമുണ്ടാകുന്ന പാടുകള് ചികിത്സിക്കാന്.
പ്രകൃതിദത്ത മാര്ഗ്ഗങ്ങള് ഉപയോഗിച്ച് മുറിപ്പാടുകള് എങ്ങനെ മാറ്റാമെന്ന് നോക്കാം.
നാരങ്ങ
ഏറ്റവും ഫലപ്രദമായ പ്രകൃതിദത്ത ബ്ലീച്ചിംഗ് ഏജന്റാണ് നാരങ്ങ. ഒരു സൗന്ദര്യവര്ദ്ധക വസ്തുവായും നാരങ്ങ ഉപയോഗിക്കാവുന്നതാണ്. പാടുകളുടെ തെളിമ കുറയ്ക്കാന് നാരങ്ങയ്ക്ക് കഴിയും. ത്വക്കിലെ നിര്ജ്ജീവ കോശങ്ങളെ നീക്കി പുതിയ ചര്മ്മത്തിന്റെ വളര്ച്ചയെ ത്വരിതപ്പെടുത്താനും നാരങ്ങയ്ക്കാകും. ചെറിയൊരു കഷണം പഞ്ഞിയോ മറ്റോ നാരങ്ങാനീരില് മുക്കുക. അതിന് ശേഷം അത് പാടില് തേയ്ക്കുക. ഒരാഴ്ചക്കാലം പതിവായി ഇത് ചെയ്യുക. മുറിപ്പാടിന്റെ തെളിമ കുറഞ്ഞുവരുന്നത് അനുഭവിച്ചറിയാനാകും. ഉരുളക്കിഴങ്ങ്, തക്കാളി എന്നിവയും മികച്ച ബ്ലീച്ചിംഗ് ഏജന്റുകളാണ്. അതിനാല് ഇവ ഉപയോഗിച്ചും പാടുകള് നീക്കം ചെയ്യാവുന്നതാണ്.
തേന്
മുറിപ്പാടുകളില് തേന് പുരട്ടുന്നത് പാടുകള് ഇല്ലാതാകാന് സഹായിക്കും. ചര്മ്മത്തിന് ഈര്പ്പം പകരുന്ന തേന്, ചര്മ്മ കോശങ്ങളെ പുനരുജ്ജീവിപ്പിക്കും. നിര്ജ്ജീവ കോശങ്ങളാണ് പാടുകളായി പ്രത്യക്ഷപ്പെടുന്നത്. തേന് പുതിയ ചര്മ്മകോശങ്ങളുടെ വളര്ച്ചയെ ത്വരിതപ്പെടുത്തുകയും അതുവഴി പാടുകള് ഇല്ലാതാക്കുകയും ചെയ്യും. ഏതാനും തുള്ളി പാടുകളില് പുരട്ടുക. പതിവായി ഇത് ചെയ്യുക. തേനിനൊപ്പം നാരങ്ങാനീരും ചേര്ക്കാവുന്നതാണ്. ഇത് മികച്ച ഫലം നല്കും. പാടുകള് കുറയ്ക്കാനായി വീട്ടില് തന്നെ ചെയ്യാവുന്ന ചികിത്സയാണിത്.
കറ്റാര്വാഴ-
ചര്മ്മത്തിന്റെയും ശരീരത്തിന്റെയും ആരോഗ്യത്തിന് കറ്റാര്വാഴ വളരെ ഉത്തമമാണ്. കുഴമ്പ് രൂപത്തിലോ ജെല്ലായോ കറ്റാര്വാഴ മുറിപ്പാടുകളില് പുരട്ടാവുന്നതാണ്. ശരീരത്തിലുണ്ടാകുന്ന തടിപ്പുകളും മറ്റും ഇല്ലാതാക്കാനുള്ള കഴിവ് കറ്റാര്വാഴയ്ക്കുണ്ട്. മുറിവുകള് നീരുവന്ന് വീങ്ങാതിരിക്കാന് കറ്റാര്വാഴയുടെ ഈ ഗുണം സഹായിക്കും. ചര്മ്മകോശങ്ങളുടെ കേടുപാടുകള് തീര്ക്കാനും അവയ്ക്ക് പുതുജീവന് നല്കാനും കറ്റാര്വാഴ ഉത്തമമാണ്. പാടില് കറ്റാര്വാഴ ക്രീമോ ജെല്ലോ പുരട്ടുക. വ്യത്യാസം കാണുന്നത് വരെ പതിവായി ഇത് ചെയ്യുക.
വെള്ളരിക്ക-
വളരെ വില കുറഞ്ഞതും എളുപ്പം ലഭിക്കുന്നതുമായ ഒന്നാണ് വെള്ളരിക്ക. ഇതിന് നിരവധി ഗുണങ്ങളുണ്ട്. ചര്മ്മത്തിന്റെ മൃദുലതയും ജലാംശവും നിലനിര്ത്താന് വെള്ളരി ആവശ്യമാണ്. ഇത് പാടുകളുടെ തെളിമ കുറയ്ക്കുകയും ചുറ്റുമുള്ള വരണ്ട ചര്മ്മത്തെ ഈര്പ്പമുള്ളതാക്കുകയും ചെയ്യും. വെള്ളരിക്ക അരച്ച് പാടില് പുരട്ടുക. ദിവസവും ഉപയോഗിച്ചാല് മികച്ച ഫലം ലഭിക്കും. വെള്ളരിക്ക അടങ്ങിയിട്ടുള്ള ക്രീമുകളും സ്ക്രബ്ബുകളും വിപണിയില് ലഭ്യമാണ്. ഇവ ഉപയോഗിച്ചും പാടുകള് മാറ്റാം.
Continue with Google