മുഖത്തെ വടുക്കള്‍ മാറ്റാം

കുക്കുമ്പര്‍

ഇതിനുള്ള നല്ലൊരു വഴിയാണ് കുക്കുമ്പര്‍. കുക്കുമ്പര്‍ മുറിച്ച് ഇതുകൊണ്ടു മുഖം മസാജ് ചെയ്യാം. അല്ലെങ്കില്‍ കുക്കുമ്പര്‍ അരച്ച് മുഖത്തിടാം. ഇവ മുഖത്തെ വടുക്കള്‍ മാറ്റുവാന്‍ നല്ലതാണ്.

കറ്റാര്‍ വാഴ

ധാരാളം ആരോഗ്യ, സൗന്ദര്യഗുണങ്ങളുള്ള ഒന്നാണ് കറ്റാര്‍ വാഴ. ഇതിന്റെ ജെല്‍ മുഖത്തു പുരട്ടുന്നത് മുഖത്തെ വടുക്കള്‍ മാറുന്നതിനുള്ള നല്ലൊരു വഴിയാണ്.

തേന്‍

മുഖത്തെ പാടുകളും വടുക്കളും കളയാന്‍ തേന്‍ നല്ലൊരു ഔഷധമാണ്. ഇത് ചര്‍മത്തിന് ഈര്‍പ്പം നല്‍കും. ചര്‍മകോശങ്ങള്‍ പുതുതായി ഉണ്ടാകുവാന്‍ സഹായിക്കും. തേന്‍ തനിയെയോ ഇത് ചെറുനാരങ്ങാനീര്, പാല്‍പ്പാട തുടങ്ങിയവയുമായി ചേര്‍ത്ത് പുരട്ടുകയോ ചെയ്യാം.

ചെറുനാരങ്ങ

പ്രകൃതിദത്ത ബ്ലീച്ചിംഗ് ഏജന്റാണ് ചെറുനാരങ്ങയെന്നു പറയാം. ഇത് മുഖത്തെ വടുക്കളില്‍ മസാജ് ചെയ്യുന്നത് ഗുണം നല്‍കും. ഇതിന്റെ നീര് മുഖത്തു പുരട്ടുന്നതും നല്ലതാണ്.

ഉരുളക്കിഴങ്ങു നീര്

മുഖത്തെ വടുക്കള്‍ മാറ്റുവാന്‍ ഉരുളക്കിഴങ്ങു നീര് പുരട്ടുന്നതും നല്ലതു തന്നെ.