പ്രായക്കൂടുതലിന് ചില വിചിത്ര കാരണങ്ങള്‍

നെറ്റി ചുളിയ്ക്കുക

എപ്പോഴും നെറ്റി ചുളിയ്ക്കുന്ന ശീലമുണ്ടോ. ചര്‍മത്തിന് പ്രായമേറ്റുന്ന മറ്റൊരു ഘടകമാണിത്. പ്രത്യേകിച്ചും നെറ്റിയില്‍ ചുളിവ് വീഴാന്‍ ഇത് ഇട വരുത്തുന്നു.

ടിവി

ടിവി കാണുന്നത് പ്രായം വര്‍ദ്ധിപ്പിക്കുമെന്നറിയുമോ. സത്യമാണ്. ടിവിയില്‍ നിന്നും പുറപ്പെടുന്ന വികിരണങ്ങള്‍ ചര്‍മത്തില്‍ പതിയ്ക്കുകയും അതുവഴി ചര്‍മത്തിന് ക്ഷതമേല്‍ക്കുകയും ചെയ്യുന്നു. ഒരു നിശ്ചിത അകലം സൂക്ഷിച്ചു മാത്രമെ ടിവി കാണാന്‍ പാടുകയുള്ളൂ.

മധുരം

മധുരം കൂടുതല്‍ കഴിയ്ക്കുന്നവര്‍ക്ക് പെട്ടെന്ന് പ്രായമാകാന്‍ സാധ്യത കൂടുതലാണ്. മധുരം ഗ്ലൈക്കേഷന്‍ എന്നൊരു പ്രക്രിയയുണ്ടാക്കുന്നു. ഇത് ചര്‍മത്തിന് ഇറുക്കം നല്‍കുന്ന കൊളാജന്‍ എന്നൊരു വസ്തുവിനെ നശിപ്പിക്കുകയും ചെയ്യുന്നു. ചര്‍മം അയഞ്ഞു തൂങ്ങാന്‍ ഇത് ഇടയാക്കും.

സ്‌ട്രോ

സ്‌ട്രോ ഉപയോഗിച്ച് പാനീയങ്ങള്‍ കുടിയ്ക്കുന്നത് കവിളിലും ചുണ്ടിനു ചുറ്റും പെട്ടെന്ന് ചുളിവുകള്‍ വീഴാന്‍ കാരണമാകുന്നു. ഇത്തരം ചുളിവുകള്‍ പ്രായക്കൂടുതല്‍ തോന്നിക്കാന്‍ കാരണമാകുന്നു.

എയര്‍ കണ്ടീഷന്‍

എയര്‍ കണ്ടീഷന്‍ ചര്‍മത്തിന് പ്രായമേറ്റുന്ന മറ്റൊന്നാണ്. ഇത് ചര്‍മത്തിലെ ഈര്‍പ്പം വലിച്ചെടുക്കുന്നതിനും ചര്‍മം വരണ്ടതാക്കുന്നതിനും ഇട വരുത്തും. വരണ്ട ചര്‍മം പെട്ടെന്ന് പ്രായക്കൂടുതല്‍ തോന്നിക്കുകയും ചെയ്യും.

അന്തരീക്ഷമലിനീകരണം

അന്തരീക്ഷമലിനീകരണവും പെട്ടെന്ന് പ്രായമാകാന്‍ കാരണമാകുന്നുണ്ട്. ചര്‍മത്തില്‍ ചുളിവുകള്‍ വീഴാന്‍ ഇത് ഇടയാക്കുന്നു.

മുഖം കഴുകുന്നത്

മുഖം കൂടുതല്‍ തവണ കഴുകുന്നത് ഈര്‍പ്പം നശിപ്പിയ്ക്കും. പ്രത്യേകിച്ച് സോപ്പും ഫേസ് വാഷും മറ്റും ഉപയോഗിയ്ക്കുമ്പോള്‍.