മഴക്കാലത്ത് സണ്‍സ്‌ക്രീന്‍ ഉപയോഗിയ്ക്കുമ്പോള്‍

ഫെയര്‍നസ് ക്രീം പോലെ മിക്കവാറും പേര്‍ ഉപയോഗിയ്ക്കുന്ന ഒന്നാണ് സണ്‍സ്‌ക്രീന്‍. സൂര്യനില്‍ നിന്നുള്ള അള്‍ട്രാവയലറ്റ് വികിരണങ്ങളെ ചെറുക്കാന്‍ ഇത് അത്യാവശ്യവുമാണ്.

ചര്‍മം കറുക്കുന്നതു തടയാനും സണ്‍ടാന്‍ തടയാനും മാത്രമല്ല,സ്‌കിന്‍ ക്യാന്‍സര്‍ പോലുളള രോഗങ്ങളെ തടുക്കാനും സണ്‍സ്‌ക്രീന്‍ സഹായിക്കും. പ്രത്യേകിച്ച് വേനല്‍ക്കാലത്ത് ഇത് പുരട്ടേണ്ടത് അത്യാവശ്യമാണ്.

എന്നാല്‍ മഴക്കാലത്ത് വെയിലും ചൂടും താരതമ്യേന കുറയുന്നതു കൊണ്ടുതന്നെ സണ്‍സ്‌ക്രീന്‍ ഉപയോഗിയ്ക്കണമോ, ഉപയോഗിയ്ക്കുമ്പോള്‍ എന്തെല്ലാം ശ്രദ്ധിയ്ക്കണം തുടങ്ങിയ കാര്യങ്ങളില്‍ പലര്‍ക്കും സംശയമുണ്ടാകുന്നതു സ്വാഭാവികവുമാണ്.

മഴക്കാലത്ത് സണ്‍സ്‌ക്രീന്‍ ഉപയോഗിയ്ക്കുമ്പോള്‍ എസ്പിഎഫ് (സണ്‍സ്‌ക്രീന്‍ പ്രൊട്ടക്ടീവ് ഫാക്ടര്‍) വേനല്‍ക്കാലത്തുള്ളത്ര വേണമെന്നില്ല. കൃത്യമായ അളവിലുള്ള എസ്പിഎഫ് നോക്കി ഉപയോഗിയ്ക്കുക.

വേനല്‍ക്കാലത്ത് ഉപയോഗിയ്ക്കുന്ന തരം സണ്‍സ്‌ക്രീന്‍ മഴക്കാലത്ത് ഉപയോഗിയ്ക്കരുത്. ജെല്‍ ടൈപ്പ് ഉപയോഗിയ്ക്കുന്നതായിരിയ്ക്കും കൂടുതല്‍ നല്ലത്. മാത്രമല്ല, വാട്ടര്‍ റെസിസ്റ്റന്റ് സണ്‍സ്‌ക്രീന്‍ ലോഷനുകള്‍ ഉപയോഗിയ്ക്കുകയും വേണം.

വേനല്‍ക്കാലത്ത് ഉപയോഗിയ്ക്കുന്ന അത്ര തന്നെ അളവില്‍ മഴക്കാലത്ത് ഉപയോഗിയ്ക്കണമെന്നില്ല. അത്ര തന്നെ പ്രാവശ്യം ഉപയോഗിയ്ക്കണമെന്നുമില്ല.

മഴക്കാലത്തും, പ്രത്യേകിച്ച് പുറത്തിറങ്ങുമ്പോള്‍ സണ്‍സ്‌ക്രീന്‍ ഉപയോഗിയ്ക്കുന്നതു പതിവാക്കുക.