Click it and Unblock the Notifications
Latest Updates
-
ഭക്ഷണത്തിന് ശേഷം ഏലക്കായ ചവക്കുന്ന ശീലമുണ്ടോ? നിങ്ങളറിയാതെ നിങ്ങള്ക്ക് ലഭിക്കുന്നത് ഇതെല്ലാം -
നേട്ടങ്ങളെത്തും കടല് പോലെ, മേടം മുതല് മീനം വരെ 12 രാശിക്കാര്ക്കും സമ്പൂര്ണ വാരഫലം: നിങ്ങള്ക്കെങ്ങനെ? -
Rashiphalam: ആഴ്ചാവസാനത്തില് മേടം മുതല് മീനം വരെ 12 രാശിക്കാര്ക്കും എപ്രകാരമാണ് ഫലങ്ങള് -
Rashiphalam: ഇന്ന് ഗജകേസരി രാജയോഗം, നേട്ടങ്ങളില് ഇവര് മുന്നില്: അറിയാം 12 രാശിക്കും സമ്പൂര്ണഫലം -
സമ്പൂര്ണ ന്യൂമറോളജിഫലം: അറിയാം നിങ്ങളുടെ ഭാഗ്യവും നിര്ഭാഗ്യവും ഈ ആഴ്ചയില് എപ്രകാരമെന്ന് -
ഡ്രാഗണ് ഫ്രൂട്ട് നിസ്സാരമല്ല: ഹൃദയം വരെ സുരക്ഷിതമാക്കും, ഗുണങ്ങളില് അതികേമന് -
ശനിയും ചൊവ്വയും ചേരുമ്പോള് ആഢംബരവും സമ്പത്തും ക്ഷണിക്കാതെ വന്നു ചേരും ഈ രാശിക്കാര്ക്ക് -
ഈദ് ആശംസകള് പ്രിയപ്പെട്ടവര്ക്ക്: പുണ്യമാസത്തിന്റെ ചെറിയ പെരുന്നാള് ആശംസകളറിയിക്കാം -
54 മണിക്കൂറോളം നീണ്ടുനില്ക്കും ഗജകേസരിയോഗം: മാര്ച്ച് 26 മുതല് 3 രാശിക്കാര്ക്കാണ് അനുഭവത്തില് മാറ്റങ്ങള് -
ബ്രൗണ്റൈസിനേക്കാള് കൂടുതലാണ് ഇവയില് ഫൈബര്: ദഹനത്തിനൊപ്പം ഊര്ജ്ജവും പ്രദാനം ചെയ്യും
മുഖസൗന്ദര്യത്തിന് ഗ്ലിസറിന്
സിനിമ, ടെലിവിഷന് താരങ്ങളൊക്കെ അഭിനയിക്കുമ്പോള് കൃത്രിമമായി കണ്ണുനീര് വരുത്താന് ഉപയോഗിക്കുന്നതാണ് ഗ്ലിസറിന്. എന്നാല് അത് മാത്രമല്ല ഗ്ലിസറിന്റെ ഉപയോഗം. ചര്മ്മത്തിന് ഏറെ അനുയോജ്യമായ ഒന്നാണിത്. സൗന്ദര്യ സംരക്ഷണത്തില് ഗ്ലിസറിന് പ്രമുഖ സ്ഥാനമാണുള്ളത്.
കണ്ണുനീര് ഗ്രന്ഥികളെ ഉദ്ദീപിപ്പിച്ച് കണ്ണുനീര് വരുത്തുന്നത് പോലെ ചര്മ്മത്തിലെ കോശങ്ങളെ പുനരുജ്ജീവിപ്പിക്കാനും ഗ്ലിസറിന് കഴിവുണ്ട്. ഇത് നേരിട്ട് ഉപയോഗിക്കുകയോ, ഫേസ്പാക്ക്, ഫേസ്മാസ്ക് എന്നിവയില് മറ്റ് വസ്തുക്കളുമായി ചേര്ത്ത് ഉപയോഗിക്കുകയോ ചെയ്യാം.
ഗ്ലിസറിന്റെ ചില ഗുണങ്ങള് മനസിലാക്കൂ.
1. മോയ്സ്ചറൈസര് - നല്ലൊരു മോയ്സ്ചറൈസറാണ് ഗ്ലിസറിന്. ചര്മ്മത്തിന്റെ വരള്ച്ച മാറ്റാന് ഉത്തമമാണിത്. അതിനാല് ശൈത്യകാലത്ത് ഗ്ലിസറിന് വളരെ ഉപകാരപ്രദമാണ്. ചര്മ്മത്തില് നേരിട്ട് ഗ്ലിസറിന് ഉപയോഗിക്കാം. ഒരു കോട്ടണ് തുണിയില് മുക്കി ഗ്ലിസറിന് ശരീരത്തില് തേക്കാം. പെട്ടന്ന് തന്നെ ചര്മ്മം മൃദുലമാവുകയും നനവ് ലഭിക്കുകയും ചെയ്യും. വരണ്ടതും, പരുക്കനും, ചൊറിച്ചിലുള്ളതുമായ ചര്മ്മത്തെ സുഖപ്പെടുത്താനും ഗ്ലിസറിന് കഴിവുണ്ട്.
2. ക്ലെന്സര് - ചര്മ്മത്തിലെ പൊടിയും ചെളിയുമൊക്കെ നീക്കം ചെയ്ത് ശുചിയാക്കാന് ഗ്ലിസറിന് കഴിവുണ്ട്. പനിനീരില് ചേര്ത്ത് ക്ലെന്സറായി ഗ്ലിസറിന് ഉപയോഗിക്കാം. രാത്രിയില് ഉറങ്ങാന് കിടക്കുന്നതിന് മുമ്പായി പനിനീരും, ഗ്ലിസറിനും ചേര്ത്ത് മുഖം തുടയ്ക്കുക. പതിവായി ഇത് ചെയ്യുന്നത് മുഖചര്മ്മത്തിലെ സുഷിരങ്ങള് തുറക്കാനും ചര്മ്മം വൃത്തിയായിരിക്കാനും സഹായിക്കും.
3. ഉന്മേഷം - ചര്മ്മത്തിന് നവോന്മേഷം നല്കാന് ഗ്ലിസറിന് കഴിവുണ്ട്. അതിനാല് തന്നെ ഏറെ സൗന്ദര്യസംരക്ഷണ ഉത്പന്നങ്ങളിലെ പ്രധാന ഘടകമാണ് ഗ്ലിസറിന്. ചര്മ്മത്തിലെ ജലാംശത്തിന്റെ അളവ് നിലനിര്ത്താന് ഇത് സഹായകരമാണ്. ഇതിനായി ഗ്ലിസറിന് മോയ്സ്ചറൈസറില് ചേര്ത്ത് പതിവായി ഉപയോഗിക്കുക. ഫേസ്പാക്കിലും, ഫേസ്മാസ്കിലും ഗ്ലിസറിന് ചേര്ക്കാം. പതിവായുള്ള ഉപയോഗം ചര്മ്മത്തെ ആരോഗ്യവും, പുതുമയുമുള്ളതാക്കി നിലനിര്ത്തും.
4. ചര്മ്മസംരക്ഷണം - ചര്മ്മത്തിന്റെ വരള്ച്ചക്കും, ചൊറിച്ചിലിനും പ്രതിവിധിയായുള്ള മരുന്നുകളില് ഗ്ലിസറിന് ഉപയോഗിക്കുന്നു. കാലാവസ്ഥമൂലവും, മാലിന്യങ്ങള് മൂലവുമൊക്കെ പലപ്പോഴും ചര്മ്മത്തില് ചൊറിച്ചിലും മറ്റുമുണ്ടാവും. ഇവ പരിഹരിക്കാന് ഗ്ലിസറിന് ഏറെ അനുയോജ്യമാണ്. ചര്മ്മസംരക്ഷണത്തിനുള്ള പല മരുന്നുകളിലെയും പ്രധാന ഘടകം ഗ്ലിസറിനാണ്. ഗ്ലിസറിന് പതിവായി ഉപയോഗിച്ചാല് ചര്മ്മത്തിന് ആരോഗ്യം ലഭിക്കും.
5. പാടുകള് മായ്ക്കാം - മുഖക്കുരവും, കറുത്ത പാടുകളും മാറ്റി ചര്മ്മത്തിന് കാന്തി നല്കാന് ഗ്ലിസറിന് ഫലപ്രദമാണ്. പാടുകളോ, മുഖക്കുരുവോ ഉള്ള ഭാഗത്ത് പതിവായി അല്പം ഗ്ലിസറിന് പുരട്ടുക. ക്രമേണ ഈ പാടുകള് മങ്ങിപ്പോകും. ഇത്തരത്തില് ഗ്ലിസറിനുപയോഗിച്ച് ചര്മ്മകാന്തി കൂട്ടാനാവും.
Continue with Google