മുഖക്കുരുവിനെ അകറ്റി നിര്‍ത്തൂ

വൃത്തി

വൃത്തി വളരെ പ്രധാനം. ദിവസവും മുഖം കഴുകുക. മേയ്ക്കപ്പ് ആവശ്യം കഴിഞ്ഞാല്‍ മാറ്റുക തുടങ്ങിയവയെല്ലാം പ്രധാനം.

മുടി

മുടിയില്‍ എണ്ണമയമുണ്ടെങ്കില്‍ ഇത് മുഖത്തേയ്ക്കു പാറി വീഴുന്നത് മുഖക്കുരുവിനു കാരണമായേക്കാം. മുടി മുഖത്തു വീഴാതെ ഒതുക്കുക.

തെരുപ്പിടിയ്ക്കുന്ന സ്വഭാവം

മുഖക്കുരുവില്‍ തെരുപ്പിടിയ്ക്കുന്ന സ്വഭാവം പലര്‍ക്കുമുണ്ട്. ഈ ശീലത്തില്‍ നിന്നും വിട്ടു നില്‍ക്കുക. ഇത് പ്രശ്‌നം കൂടുതല്‍ വഷളാക്കാനേ ഉപകരിയ്ക്കൂ.

ഭക്ഷണങ്ങള്‍

ആരോഗ്യകരമായ ഭക്ഷണങ്ങള്‍ കഴിയ്ക്കുക. വറുത്തതും പൊരിച്ചതുമെല്ലാം കഴിവതും ഒഴിവാക്കുക. വറുത്തവയും പൊരിച്ചവയുമാണ് പലപ്പോവും മുഖക്കുരുവിന് കാരണമാകാറ്.

ഐസ്

ഒരു കഷ്ണം ഐസ് കൊണ്ട് മുഖം മസാജ് ചെയ്യുന്നത് ഗുണം നല്‍കും.

തേന്‍

മുഖത്ത് തേന്‍ പുരട്ടുന്നത് മുഖക്കുരുവിന് നല്ലൊരു മരുന്നാണ്. മുഖക്കുരുവുള്ളവര്‍ മുഖക്കുരുവിനു മുകളിലും ഇതു പുരട്ടുന്നത് നല്ലതാണ്.

ചെറുനാരങ്ങാനീര്

മുഖത്ത് അല്‍പം ചെറുനാരങ്ങാനീര് പുരട്ടുന്നത് മുഖക്കുരുവിനെ തടയുന്നതില്‍ നല്ലതാണ്. ഇത് മുഖത്തെ അഴുക്കുകള്‍ നീക്കാനും സഹായിക്കും.

ബേക്കിംഗ് സോഡ

ബേക്കിംഗ് സോഡയും ചെറുനാരങ്ങയും ചേര്‍ന്ന മിശ്രിതം മുഖത്തു തേയ്ക്കുന്നത് മുഖക്കുരുവിനുള്ള നല്ലൊരു പരിഹാരമാണ്.

വെള്ളം

ധാരാളം വെള്ളം കുടിയ്‌ക്കുക. ഇത്‌ ചര്‍മത്തിലെ വിഷാംശം അകറ്റും. ഇത്‌ മുഖക്കുരുവിനെ ഒഴിവാക്കും.