30കളിലും ചെറുപ്പം കാക്കാം

Published: Monday, April 7, 2014, 13:22 [IST]

കണ്ടാല്‍ ഇത്രയും പ്രായം തോന്നില്ല എന്ന വാചകം കേള്‍ക്കാന്‍ കൊതിയ്ക്കാത്തവര്‍ ഉണ്ടാകില്ല. ഇത് സ്ത്രീയാണെങ്കിലും പുരുഷനാണെങ്കിലും.

30കള്‍ കഴിഞ്ഞാല്‍ പ്രായം ശരീരത്തെ പതുക്കെ ആക്രമിച്ചു തുടങ്ങുമെന്നു പറയാം. ചര്‍മത്തില്‍ ചുളിവുകളായും കണ്ണിനടിയില്‍ കറുപ്പായുമെല്ലാം ഇത് പ്രത്യക്ഷപ്പെടുകയും ചെയ്യും.

മുപ്പതു കഴിഞ്ഞാലും ചെറുപ്പം കാത്തു സൂക്ഷിയ്ക്കാനുള്ള ചില വഴികളെക്കുറിച്ചറിയൂ,

ഭക്ഷണം

ചര്‍മത്തിന്റെ ചെറുപ്പം നില നിര്‍ത്തുന്നതില്‍ ഭക്ഷണത്തിന് പ്രധാന പങ്കുണ്ട്. ധാരാളം ഫലവര്‍ഗങ്ങള്‍, പച്ചക്കറികള്‍ എന്നിവ കഴിയ്ക്കുക.

ആന്റിഓക്‌സിഡന്റ് ഭക്ഷണങ്ങള്‍

ആന്റിഓക്‌സിഡന്റ് അടങ്ങിയ ഭക്ഷണങ്ങള്‍ ശീലമാക്കുക. തക്കാളി, ഓറഞ്ച് തുടങ്ങിയവ ഉദാഹരണം. ഇത് ചെറുപ്പം നില നിര്‍്ത്താന്‍ സഹായിക്കും.

വ്യായാമം

ആരോഗ്യത്തിനു മാത്രമല്ല, ചെറുപ്പം നില നിര്‍ത്തുന്നതിനും വ്യായാമങ്ങള്‍ പ്രധാനമാണ്. വ്യായാമം നിത്യവും ശീലമാക്കുക.

ചര്‍മസംരക്ഷണം

ചര്‍മസംരക്ഷണത്തില്‍ ശ്രദ്ധിയ്ക്കുക. കെമിക്കലിനു പുറകെ പോകാതെ പ്രകൃതിദത്ത വഴികള്‍ സ്വീകരിയ്ക്കുന്നതാണ് നല്ലത്.

കാപ്പി

കാപ്പി അമിതമായി കുടിയ്ക്കുന്നത് ചര്‍മത്തിന് കേടാണ്. കാപ്പിശീലം മാറ്റി പകരം ഗ്രീന്‍ ടീ പോലുള്ളവയിലേയ്ക്കു തിരിയുക.

മുടി

ചെറുപ്പം നില നിര്‍ത്തുന്നതില്‍ മുടിയും പ്രധാന ഘടകമാണ്. മുടി നരയ്ക്കാതിരിയ്ക്കാനുള്ള വഴികള്‍ നോക്കുക. മുടിയുടെ ആരോഗ്യത്തിന് ഓയില്‍ മസാജ്, ഹെന്ന പോലുള്ള വഴികള്‍ സ്വീകരിയ്ക്കുക.