ഇടതൂര്‍ന്ന പുരികത്തിന് ചില വീട്ടുവിദ്യകള്‍

1. ആവണക്കെണ്ണ

ഫലപ്രദവും തീരെ ചെലവില്ലാത്തതുമായ ഒരു മാര്‍ഗ്ഗമാണിത്. കട്ടിയുള്ള പുരികങ്ങള്‍ക്കായി പരമ്പരാഗതമായി ഏറ്റവുമധികം ഉപയോഗിക്കപ്പെട്ട് വരുന്ന മാര്‍ഗ്ഗമാണ് ആവണക്കെണ്ണയുടെ ഉപയോഗം. ഇത് പതിവായി ഉപയോഗിക്കുന്നത് പുരികങ്ങള്‍ക്ക് കട്ടി നല്കും.

2. പെട്രോളിയം ജെല്ലി (വാസലിന്‍)

വാസലിന്‍ ഉപയോഗിക്കുന്നത് പുരികങ്ങള്‍ക്ക് ആരോഗ്യം നല്കുകയും, നനവ് നല്കുകയും ചെയ്യും. ഇത് വഴി പുരികങ്ങളെ നിവര്‍ന്ന് കരുത്തോടെ നിലനിര്‍‌ത്താനാവും. ദിവസം 2-3 തവണ പുരികത്തില്‍ ചെറുതായി വാസലിന്‍ പുരട്ടുക.

3. വെളിച്ചെണ്ണ

ശുദ്ധമായ വെളിച്ചെണ്ണ മുടിക്ക് അഴകും ആരോഗ്യവും നല്കും. കട്ടിയുള്ള പുരികം ലഭിക്കാനും ഇത് സഹായിക്കും. പുരികരോമങ്ങളുടെ വളര്‍ച്ച വേഗത്തിലാക്കുക മാത്രമല്ല, രൂപഭംഗി നല്കാനും വെളിച്ചെണ്ണ ഉത്തമമാണ്.

4. ഉള്ളിനീര്

സള്‍ഫര്‍ ഉയര്‍ന്ന തോതില്‍ അടങ്ങിയതാണ് ഉള്ളി. രക്തയോട്ടം വര്‍ദ്ധിപ്പിക്കാനും ഇതിന് കഴിവുണ്ട്. ഉളളിനീര് പതിവായി പുരികത്തില്‍ തേക്കുന്നത് പുരിക വളര്‍ച്ചയെ ശക്തിപ്പെടുത്തും.

5. വെള്ളം

പുരിക വളര്‍ച്ചക്ക് മികച്ച ഉപാധിയാണ് വെള്ളം. ശരീരത്തില്‍ ഊര്‍ജ്ജം നിലനിര്‍ത്താനായി ദിവസവും 6-8 ലിറ്റര്‍ വെള്ളം കുടിക്കുക.

6. ഒലിവ് ഓയില്‍

കട്ടിയുള്ള പുരികങ്ങള്‍ നേടാന്‍ സഹായിക്കുന്നതാണ് ഒലിവ് ഓയില്‍. പുരികത്തിന്‍റെ നീളത്തില്‍ ഒലിവ് ഓയില്‍ പതിവായി തേക്കുക. ഇത് വഴി പുരികത്തിന് കട്ടിയും രൂപഭംഗിയും ലഭിക്കും.

7. കറ്റാര്‍വാഴ

ശരീരത്തിലെ നിരവധി പ്രശ്നങ്ങള്‍ക്ക് പരിഹാരമാണ് കറ്റാര്‍ വാഴ. കറ്റാര്‍വാഴ ജെല്‍ വിപണിയില്‍ നിന്ന് വാങ്ങുകയോ, ഇല പൊട്ടിച്ച് എടുക്കുകയോ ചെയ്യാം. ഈ ജെല്‍ പതിവായി തേക്കുന്നത് പുരികവളര്‍ച്ചയ്ക്ക് ഫലപ്രദമാണ്.

8. മുട്ട

മുട്ട പൊട്ടിച്ച് മഞ്ഞക്കരു എടുക്കുക. ഒരു കോട്ടണ്‍ തുണി ഉപയോഗിച്ച് ഇത് പുരികത്തില്‍ തേയ്ക്കുക. 15-20 മിനുട്ടിന് ശേഷം തണുത്തവെള്ളം ഉപയോഗിച്ച് കഴുകി വൃത്തിയാക്കാം. കൂടുതല്‍ രോമങ്ങള്‍ വളരാന്‍ ഇത് സഹായിക്കും. മുട്ടയില്‍ സമൃദ്ധമായ പ്രോട്ടീനാണ് രോമവളര്‍ച്ചക്ക് സഹായിക്കുന്നത്.

9. നാരങ്ങ

ഒരു നാരങ്ങ മുറിച്ച് പുരികത്തിന്‍റെ നീളത്തില്‍ തേയ്ക്കുക. ആകര്‍ഷകത്വവും കരുത്തുമുള്ള പുരികം വളരാന്‍‌ നാരങ്ങനീര് ഫലപ്രദമാണ്.