ഷേവിങ്ങിന് ശേഷം ഫേസ്പാക്കുകള്‍

1. വെള്ളരിക്ക

വെള്ളരിക്ക, ഓട്ട് മീല്‍, തൈര് എന്നിവ പ്രകൃതിദത്തമായ, തണുപ്പ് നല്കുന്ന വസ്തുക്കളാണ്. ഷേവിങ്ങിന് ശേഷം ഇവ ചേര്‍ത്തുണ്ടാക്കിയ പേസ്റ്റ് ഉപയോഗിക്കുന്നത് മുഖത്തിന് തണുപ്പും മിനുസവും നല്കും. നല്ല ഫലം ലഭിക്കാന്‍ ഇത് മുപ്പത് മിനുട്ട് മുഖത്ത് തേച്ചിരിക്കുക.

2. മഞ്ഞള്‍

നൂറ്റാണ്ടുകളായി ഭാരതീയ ചികിത്സയിലും, പാചകത്തിലും ഉപയോഗിക്കപ്പെടുന്ന ഒരു പ്രകൃതിദത്ത ആന്‍റിസെപ്റ്റിക്കാണ് മഞ്ഞള്‍. മഞ്ഞള്‍, കടലമാവ്, ബദാം ഓയില്‍, വെള്ളം എന്നിവ ചേര്‍ത്ത് ഒരു പേസ്റ്റ് തയ്യാറാക്കി ഷേവിങ്ങിന് ശേഷം മുഖത്ത് തേക്കുന്നത് മുഖത്തെ മുറിവുകള്‍ ഭേദമാകാനും, നനവ് നല്കാനും,ചര്‍മ്മത്തിന് ലാളന ലഭിക്കാനും സഹായിക്കും.

3. തേന്‍

പതിവായി ഷേവിങ്ങിന് ശേഷം ഉപയോഗിക്കാവുന്ന നനവ് നല്കുന്ന ഒരു ഫേസ്പാക്കാണ് തേന്‍. തേന്‍ തനിയെ ഉപയോഗിക്കാം. ഷേവിങ്ങിന് ശേഷം മുഖത്ത് തേന്‍ തേച്ച് 20-30 മിനുട്ട് കഴിഞ്ഞ് ചൂട് വെള്ളം ഉപയോഗിച്ച് കഴുകുക. തുടര്‍ന്ന് തണുത്ത വെള്ളം ഉപയോഗിച്ചും കഴുകാം. ഇത് ന്യൂട്രിയന്‍റുകള്‍ വഴി ചര്‍മ്മത്തിന് ഉണര്‍വ്വ് നല്കും.

4. വാഴപ്പഴം

ഉണങ്ങിയ തരം ചര്‍മ്മമുള്ള പുരുഷന്മാര്‍ക്ക് ഉത്തമമായ ഫേസ്പാക്കാണ് വാഴപ്പഴം. വാഴപ്പഴം, തൈര്, തേന്‍ എന്നിവ കൂട്ടിക്കലര്‍ത്തി കട്ടിയുള്ള പേസ്റ്റ് പരുവത്തിലാക്കി ഷേവിങ്ങിന് ശേഷം ഉപയോഗിക്കാം. 10-20 മിനുട്ടിന് ശേഷം ഇത് കഴുകിക്കളയാം.

5. കളിമണ്ണ്

പ്രകൃതിദത്തമായ, അസംസ്കൃതാവസ്ഥയിലുള്ള ഒന്നാണിത്. ചര്‍മ്മത്തിന്‍റെ സ്വഭാവത്തിന് അനുയോജ്യമായ കളിമണ്ണ് വേണം തെരഞ്ഞെടുക്കാന്‍. കളിമണ്ണില്‍ സുഗന്ധദ്രവ്യങ്ങളോ, ശുദ്ധമായ പഴങ്ങളോ ചേര്‍ക്കാം. ഇത് മുഖത്ത് തേച്ച് 20 മിനുട്ട് സമയം ഉണങ്ങാനനുവദിക്കുക.

6. പപ്പായ

'പപ്പൈന്‍' എന്ന എന്‍സൈം പപ്പായയില്‍ അടങ്ങിയിരിക്കുന്നു. അവ ചര്‍മ്മത്തിലെ മൃതകോശങ്ങളെ നീക്കം ചെയ്യുകയും, ദോഷങ്ങളെ പുറന്തള്ളുകയും ചെയ്യും. സൂര്യതാപം, അലര്‍ജി എന്നിവയ്ക്ക് മികച്ച ഫലം തരുന്ന ഈ എന്‍സൈം, ചര്‍മ്മത്തിലെ പാടുകള്‍ മങ്ങാനും അതുവഴി നിറം കൂടുതല്‍ ലഭിക്കാനും സഹായിക്കും.